जोयडा: उत्तर कन्नडा जिल्ह्यातील जोयडा तालुक्यातील काळी वन्यजीव अभयारण्यात सोमवारी दोन नर हत्तींमध्ये झुंज झाली. यामध्ये जखमी झालेल्या एका हत्तीचा बुधवारी मृत्यू झाल्याची माहिती समोर येत आहे. (elephant fight in Karnataka)

मागील तीन वर्षातील ही दुसरी घटना आहे, असे वन अधिकाऱ्यांनी सांगितले. दोघांच्या झुंजीत एक हत्ती गंभीर जखमी झाला. त्याच्या सोंडेवर तसेच शरीरावर मोठ्या जखमा आढळून आल्या. वन अधिकाऱ्यांनी जखमी हत्तीवर औषधोपचार केले.

मात्र, दोन दिवसात त्याचा मृत्यू झाला. मृत हत्तीवर वन अधिकाऱ्यांनी अंत्यसंस्कार केले. यावेळी एसीएफ शिवानंद तोडकर, कुळगी वन संरक्षण अधिकारी अभिषेक नाईक, रविकिरण व अन्य पदाधिकारी उपस्थित होते.