पणजी: गोवा व कर्नाटकमधील बेकायदा लोह खनिज निर्यात प्रकरणी अंमलबजावणी संचालनालयाने (ईडी) मोठी कारवाई करत कर्नाटकातील कारवार येथील आमदार सतीश कृष्णा सैल यांना अटक केली आहे.
बेंगळुरूतील विशेष न्यायालयाने आमदार सैल यांना तीन दिवसांची ईडी कोठडी दिली असून पुढील तपास सुरू आहे. सदर कारवाई मनी लॉन्डरिंग प्रतिबंधक कायदा (पीएमएलए) २००२ अंतर्गत करण्यात आली.
तपासांतर्गत ईडीने १३ व १४ ऑगस्ट रोजी गोवा, कारवार (उत्तर कन्नड), होस्पेट, मुंबई व नवी दिल्ली येथे एकाच वेळी छापेमारी केली होती. या धाडीत महत्त्वाची कागदपत्रे, ई-मेल्स, आर्थिक नोंदी जप्त करण्यात आल्या. तसेच १.६८ कोटी रुपये रोख, ६.७५ किलो सोन्याची बिस्किटे व दागिने (किंमत अंदाजे ६.५८ कोटी रुपये) आणि १४.७३ कोटी रुपयांचे बँक खाते गोठवण्यात आले होते.
ईडीच्या बेंगळुरू कार्यालयाने ९ सप्टेंबर रोजी आमदार सैल यांना ताब्यात घेतले. याआधी विशेष न्यायालयाने या प्रकरणी आमदार सैल यांच्यासह १२ जणांना दोषी ठरवले होते. वनखात्याने जप्त केलेल्या लोह खनिजाचा बेकायदेशीर निर्यातीत समावेश केल्याचा आरोप त्यांच्यावर आहे. या बेकायदेशीर व्यवहारामुळे सरकारला तब्बल ८६.७८ कोटींचा महसुली तोट्याचा फटका बसला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.