चेन्नईतील एका दागिन्यांच्या दुकान मालकाने आपल्या कर्मचाऱ्यांना दिवाळी (Diwali Gift) भेट म्हणून कार आणि बाईक दिल्या आहेत. चलनी ज्वेलर्सने (Chalani Jewellery) रविवारी आपल्या 10 कर्मचाऱ्यांना कार आणि 20 कर्मचाऱ्यांना दिवाळी भेट म्हणून मोटारसायकल भेट दिल्या आहेत. चलनी ज्वेलर्सचे मालक जयंती लाल म्हणाले की, या कर्मचाऱ्यांनी चढ-उताराच्या काळातही आम्हाला साथ दिली आहे. त्यांच्या कार्याला प्रोत्साहन देण्यासाठी ही भेट आहे. 

चलनी ज्वेलरीच्या जयंती लाल चैंती यांनी त्यांच्या कर्मचार्‍यांना त्यांच्या सहकार्‍यांना 8 कार आणि 18 बाईक दिल्या होत्या. काही कर्मचाऱ्यांच्या डोळ्यात आनंदाश्रू आले तर काहींना आश्चर्याचा धक्का बसला. जयंती लाल यांनी सांगितले की, ही भेट त्यांच्या कामाला प्रोत्साहन देण्यासाठी आहे. व्यवसायातील चढ-उताराच्या काळातही या कर्मचाऱ्यांनी आम्हाला साथ दिली आणि नफा मिळवण्यात मदत केली. ते केवळ कर्मचारी नाहीत तर ते आमचे कुटुंबही (Family) आहेत. असे सरप्राईज देऊन आम्हाला त्यांना आमच्या कुटुंबासारखे वागवायचे होते. 

कार्तिक महिन्याच्या 15 व्या दिवशी दिवाळी साजरी केली जाते. असे मानले जाते की या दिवशी भगवान राम 14 वर्षांचा वनवास पुर्ण करून घरी परतले आणि वनवासात त्यांनी रावणावर विजय मिळवला. यावर्षी दिवाळी 24 ऑक्टोबर रोजी साजरी केली जाईल. 

सुरतचे डायमंड किंग सावजी ढोलकिया त्यांच्या दिवाळी भेटवस्तूमुळे खूप चर्चेत आहेत. त्यांनी आपल्या कर्मचाऱ्यांना मर्सिडीज कार दिली. ट्विटरवर खूप सक्रिय असलेले सावजी ढोलकिया आपल्या कर्मचाऱ्यांना दिवाळी भेट देणार आहेत, याचा खुलासा अद्याप झालेला नाही. 2014 मध्ये त्यांनी आपल्या कर्मचाऱ्यांना 491 कार आणि 207 फ्लॅट्स दिवाळी भेट म्हणून दिले.