Gujarat Election: गुजरात निवडणुकीपूर्वी राज्याचे माजी मुख्यमंत्री विजय रुपाणी आणि माजी उपमुख्यमंत्री नितीन पटेल यांनी निवडणूक न लढवण्याची घोषणा केली आहे. त्याचवेळी नितीन पटेल यांनी सीआर पाटील यांना पत्र लिहिले आहे. त्यामध्येही त्यांनी आपण निवडणूक लढवणार नसल्याचे नमूद केले आहे.

दरम्यान, गुजरातचे माजी मुख्यमंत्री विजय रुपाणी (Vijay Rupani) म्हणाले की, 'मी पाच वर्षे सर्वांच्या सहकार्याने मुख्यमंत्री म्हणून काम केले. या निवडणुकांमध्ये नवीन कार्यकर्त्यांना जबाबदारी दिली पाहिजे. मी निवडणूक लढवणार नाही, असे मी दिल्लीतील (Delhi) वरिष्ठांना पत्र पाठवून कळवले आहे. निवडलेल्या उमेदवाराला विजयी करण्यासाठी आम्ही काम करु.' यावेळी नितीनभाई पटेल म्हणाले की, 'विजय रुपाणी आणि मी नवीन कार्यकर्त्यांना संधी देण्यासाठी निवडणूक लढवत नाही.'

तसेच, या दोघांशिवाय आणखी काही नावे पुढे आली आहेत, ज्यांनी निवडणूक न लढवण्याचे जाहीर केले आहे. विजय रुपाणी सरकारच्या मंत्रिमंडळात शिक्षण आणि महसूल मंत्री असलेले भूपेंद्र सिंह चुडासामा यांच्याप्रमाणे निवडणूक लढवणार नाहीत. विजय रुपाणी, नितीन पटेल आणि भूपेंद्र चुडासामा विधानसभा निवडणूक (Assembly Election) लढवणार नाहीत. यासोबतच विजय रुपाणी सरकारमध्ये मंत्री राहिलेले सौरभ पटेल आणि प्रदीपसिंह जडेजा यांचीही निवडणूक लढण्याची शक्यता कमी आहे.

निवडणूक लढवणार नाहीत

• माजी मुख्यमंत्री विजय रुपाणी

• नितीन पटेल

• प्रदीपसिंह जडेजा

• सौरभ पटेल

• विभावरी बेन

• कौशिक पटेल

• वल्लभ काकडिया

• योगेश पटेल