Gujarat Election 2022: यंदाच्या विधानसभा निवडणुकीत विजयाचे सर्व विक्रम मोडून टाका, असे आवाहन पंतप्रधान नरेंद्र मोदी यांनी गुजरातमधील वलसाड येथील सभेत केले. गुजरात विधानसभा निवडणुकीची घोषणा झाल्यानंतर प्रथमच पंतप्रधान मोदींची रविवारी गुजरातमध्ये सभा झाली.
पंतप्रधान मोदी म्हणाले की, माझ्या एबीसीडीची सुरवात ए फॉर आदीवासी अशी सुरू होते. मी आदिवासी बांधवांचा आशिर्वाद घेण्यासाठी आलो आहे. यावेळी तुम्ही सर्वांनी निवडणुकीतील विजयाचे सर्व विक्रम मोडून दाखवावेत. मला खात्री आहे, गुजरातची जनता भाजपला निवडून देईल.
दोन दशकांपुर्वी गुजरात मागास होता. राज्यात अनेक ठिकाणी वीज, पाणी पोहचले नव्हते. भयानक भुकंपही आला. पण गुजराती लोकांना धीर सोडला नाही. आणि मेहनतीच्या जोरावर गुजरातला जगात टॉपवर आणले. गुजरातच्या विकासात आदिवासी बांधवांचे योगदान आहे. गावाच्या विकासासाठी सर्वाधिक काम आदिवासींनीच केले आहे. येथील मुली पुर्वी शाळेला जाता येत नव्हते, त्या आता डॉक्टर, इंजिनियर बनल्या आहेत. दरम्यान, मोदींच्या सुरत आणि कपराडा येथेही सभा होणार आहेत. याशिवाय भावनगर येथे सामुहिक विवाह सोहळ्यात मोदी सहभागी होणार आहेत.
दरम्यान, काँग्रेसने यापुर्वीच 43 जागांवर उमेदवार घोषित केले आहेत. तर भाजपची पहिली उमेदवारी 13 नोव्हेंबर तर दुसरी उमेदवारी यादी 16 नोव्हेंबर रोजी प्रसिद्ध होणार आहे. दरम्यान, भाजपने 182 पैकी160 हून अधिक जागा जिंकण्याचे ठरवले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
