Karnataka Election Result 2023: कर्नाटक निवडणुकीचा निकाल काँग्रेसच्या बाजूने लागला आहे. कर्नाटक विधानसभेत काँग्रेसला प्रचंड बहुमत मिळाले. दुसरीकडे मात्र, भाजपसाठी कर्नाटकातील पराभव हा अनेक अर्थाने चिंतेचा विषय आहे.

राज्यातील एकूण 224 जागांपैकी काँग्रेस 135 जागांवर विजयी होताना दिसत आहे. कर्नाटक निवडणुकीचे महत्त्व 2024 च्या लोकसभा निवडणुकीशी जोडणे भाजपसाठी खूप महत्त्वाचे आहे. भाजपच्या 'मिशन साऊथ'मधील कर्नाटकचा पराभव हा अनेक धडे शिकणारा आहे.

दरम्यान, उत्तर भारत, पश्चिम भारताबरोबरच मध्य भारतातही भाजपचा झेंडा अजूनही डौलाने फडकत आहे.

मात्र दक्षिणेत कर्नाटकचा पराभव झाल्याने भाजप (BJP) आता दक्षिण भारतातील राज्यांमध्ये सत्तेबाहेर आहे. आगामी 2024 च्या लोकसभा निवडणुकीसाठी हे सर्वात मोठे आव्हान ठरु शकते.

लोकसभेच्या एकूण 130 जागा दक्षिणेकडील 6 राज्यांमध्ये येतात

दुसरीकडे, आंध्र प्रदेश, केरळ, पुद्दुचेरी, तामिळनाडू आणि तेलंगणामध्ये (Telangana) भाजप अजूनही स्वबळावर सत्ता स्थापन करण्याचा प्रयत्न करत आहे. कारण दक्षिणेत 6 राज्ये आहेत, जिथे लोकसभेच्या एकूण 130 जागा आहेत.

ज्या लोकसभेच्या एकूण जागांच्या 25 टक्के आहेत. अशा परिस्थितीत, दक्षिण भारत राजकीयदृष्ट्याही खूप महत्त्वाचा आहे.

2019 मध्ये, कर्नाटक आणि तेलंगणामध्ये भाजपला चांगल्या जागा मिळाल्या, परंतु उर्वरित दक्षिणेकडील राज्यांमध्ये मोठा फटका बसला.

कर्नाटकपाठोपाठ तेलंगणा, आंध्र प्रदेशही भाजपसाठी आव्हानात्मक आहे

कर्नाटकात भाजपचे सरकार होते आणि या माध्यमातून भाजपला दक्षिणेत पाय पसरायचे होते. मात्र कर्नाटकात धक्का बसल्याने भाजपला आता नवी रणनीती आखावी लागणार आहे.

अन्यथा कर्नाटकपाठोपाठ तेलंगणा, आंध्र प्रदेशसह अन्य दक्षिणेकडील राज्यांमध्येही भाजपचे मोठे राजकीय नुकसान होऊ शकते.

किंबहुना, दक्षिणेकडील राज्यांपैकी केवळ कर्नाटकात भाजप स्वबळावर सत्ता मिळवू शकला आहे. कर्नाटक वगळता दक्षिणेकडील कोणत्याही राज्यात भाजपचा फारसा प्रभाव नाही.

अशा स्थितीत 2024 च्या लोकसभा निवडणुकीसाठी भाजपला नव्या रणनीतीची तयारी करावी लागणार आहे.