बंगळूरमधील सदाशिवनगर येथे छत्रपती शिवाजी महाराजांच्या (Chhatrapati Shivaji Maharaj) पुतळ्याची विटंबना केल्याचा संतापजनक प्रकार घडला आहे. काही समाजकंटक लोकानी महाराजांच्या पुतळ्यावर काळा रंग टाकून छत्रपतींचा जाणीवपूर्वक अपमान केला आहे. त्यामुळे समस्त शिवप्रेमींमध्ये आता संतापाची लाट उसळली आहे.

शिवाजी महाराजांना आदर्श मानणाऱ्या प्रत्येकासाठी ही घटना अत्यंत धक्कादायक आणि संतापकजनक आहे. मागील अनेक महिन्यात कर्नाटक भागातही छत्रपती शिवाजी महाराजांच्या पुतळ्याचा अपमान करणे, त्यांच्याविषयी अपशब्द बोलणे असे प्रकार घडत होते. या सगळ्या घटनेबद्दल तीव्र निषेध व्यक्त करण्यात येत आहे.

आक्रमक शिवप्रेमींनी यानंतर धर्मवीर संभाजी महाराज चौकात रस्ते बंद केले. अनेक ठिकाणी निषेध व्यक्त करत दगडफेकही करण्यात आली. त्यामुळे शहरात पोलिस (Police) बंदोबस्त करण्यात आला. याला मोठ्या प्रमाणात शिवप्रेमींचा पाठिंबा मिळाला. यानंतर याचे पडसाद कोल्हापूरातही उमटले. कोल्हापुरातील शिवसेना युवा सेनेच्या (Shivsena) कार्यकर्त्यांनी शहरातील कर्नाटक व्यावसायिकांची हॉटेल बंद केली.