Noida Doctor Case: उत्तर प्रदेशातील नोएडा येथून एक धक्कादायक घटना समोर आली आहे. नोएडामधील एका डॉक्टरच्या डेस्कटॉप आणि लॅपटॉपमधून मुलींचे आक्षेपार्ह फोटो आणि व्हिडिओ सापडले आहेत.

महिला रुग्ण त्याच्याकडे उपचारासाठी आली असताना डॉक्टरने हे फोटो काढल्याचा आरोप आहे. पीडित मुलीच्या कुटुंबीयांच्या तक्रारीवरुन पोलिसांनी डॉक्टरला अटक केली आहे. या प्रकरणाचा तपास सुरु असल्याचे पोलिसांनी सांगितले आहे. दोषींना कठोर शिक्षा होईल.

दरम्यान, हे प्रकरण नोएडाच्या सेक्टर-20 पोलीस स्टेशन परिसरातील आहे. पोलिसांनी गुन्हा दाखल करुन तपास सुरु केला आहे. पोलिसांनी (Police) दिलेल्या माहितीनुसार, नोएडाच्या सेक्टर-30 मध्ये मानसोपचार तज्ज्ञ डॉक्टरांचे क्लिनिक आहे.

मानसिक समस्यांनी ग्रस्त लोक त्यांच्याकडे समुपदेशनासाठी येतात. यामध्ये लहान मुलांपासून वृद्धांपर्यंत सर्वांचा समावेश आहे.

डॉक्टरचा पर्दाफाश

दुसरीकडे, उपचारादरम्यान मुलांचे आक्षेपार्ह फोटो काढल्याचा आरोप डॉक्टरवर (Doctor) आहे. काही दिवसांपूर्वी एका मुलीवर उपचारादरम्यान मानसोपचार तज्ज्ञाने असाच प्रकार केला होता. त्यानंतर मुलीच्या घरच्यांना संशय आला.

त्यानंतर त्यांनी वरिष्ठ पोलिस अधिकाऱ्यांकडे याबाबत तोंडी तक्रार केली. यानंतर पोलिसांनी या प्रकरणाचा तपास सुरु केला, तेव्हा डॉक्टरांच्या क्लिनिकमधील लॅपटॉप आणि डेस्कटॉपवरुन अनेक मुलींचे आक्षेपार्ह फोटो सापडले.

तपासात ही बाब समोर आली आहे

मात्र, मंगळवारी रात्री केलेल्या तपासणीत डॉक्टरने कुठेही अश्लील कंटेट अपलोड किंवा व्हायरल केलेला नसल्याचे आढळून आले. पोलिसांनी बुधवारी डॉक्टरला अटक केली. त्याची चौकशी सुरु आहे.

दुसरीकडे, या प्रकरणी नोएडाचे डीसीपी हरिश्चंद्र यांनी सांगितले की, आरोपी मानसोपचार तज्ज्ञाविरुद्ध आयपीसीच्या अनेक संबंधित कलमांतर्गत गुन्हा दाखल करण्यात आला आहे.

कोतवाली सेक्टर 20 चे पोलीस पथक अटक केलेल्या डॉक्टरचा डेस्कटॉप, लॅपटॉप आणि मोबाईलची फॉरेन्सिक तपासणी करत आहे. याशिवाय, पोलीस डेटा रिकव्हर करण्याचा प्रयत्न करत आहेत.