देशातील मुलांसाठी कोरोना लस ( Covid Vaccination) आली असून, केंद्रीय आरोग्य मंत्रालयाने (Union Ministry of Health) मुलांसाठी भारत बायोटेकची लस मंजूर केली आहे. मिळालेल्या माहितीनुसार, ही लस 2 ते 18 वर्षांच्या मुलांना दिली जाईल. विशेष म्हणजे, भारत बायोटेक ही भारतातील पहिली कंपनी आहे जी लहान मुलांसाठी (children) लसीवर चाचणी घेतली आहे. त्यांची चाचणी दिल्लीच्या एम्समध्ये झाली, त्यानंतर त्याचा कंपनीने अहवाल सादर केला. अहवालाच्या आधारे आरोग्य मंत्रालयाने ही लस मंजूर केली आहे.

एक आठवड्यापूर्वी, भारत बायोटेकने 18 वर्षांपेक्षा कमी वयाच्या मुलांसाठी कोविड -19 लस कोव्हॅक्सीनचा दुसरा टप्पाची ट्रायल पूर्ण केले. त्याची वैधता आणि आणीबाणी वापर मंजुरीसाठी डेटा केंद्रीय औषध मानक नियंत्रण संघटनेने सादर केला आहे.

सप्टेंबरमध्ये चाचणी झाली पूर्ण

लसीशी संबंधित चाचण्यांबद्दल बोलताना, सप्टेंबरच्या अखेरीस, भारत बायोटेकने 18 वर्षांपेक्षा कमी वयाच्या मुलांना वापरण्यासाठी कोरोना विरोधी लस कोव्हॅक्सीनचा टप्पा दोन आणि तीन पूर्ण केला आहे. भारत बायोटेक इंटरनॅशनल लिमिटेडचे ​​अध्यक्ष आणि व्यवस्थापकीय संचालक कृष्णा एल्ला यांनी सप्टेंबरमध्ये सांगितले होते की, मुलांसाठी लसीच्या चाचण्या पूर्ण झाल्या आहेत. डेटाचे विश्लेषण करून लवकरच मंजुरीसाठी मंत्रालयाकडे पाठवले येईल. या दरम्यान, कंपनीने सांगितले होते की ऑक्टोबरमध्ये कोव्हॅक्सीनचे उत्पादन 55 दशलक्ष डोसपर्यंत पोहोचेल, जे सप्टेंबरमध्ये 35 दशलक्ष डोस आहे.

इंट्रानैजल लसीची चाचणी लवकरच पूर्ण होणार

भारत बायोटेकचे अध्यक्ष आणि व्यवस्थापकीय संचालक कृष्णा एला यांच्या मते, कंपनीच्या कोविड -19 विरोधी इंट्रानैजल लसची दुसऱ्या टप्प्यातील चाचणी देखील या महिन्यात पूर्ण होण्याची अपेक्षा आहे. भारत बायोटेकच्या मते, इंट्रानैजल लस नाकामध्येच रोगप्रतिकारक शक्ती तयार करुन कोरोना विषाणूचे प्ररसार रोखून, संसर्ग व संक्रमणापासून संरक्षण प्रदान करते.

इंट्रानैजल लसीची तीन गटांवर चाचणी केली जात आहे. त्यापैकी एक कोव्हॅक्सीन लस पहिल्या डोस म्हणून आणि इंट्रानैजल लस दुसरा डोस म्हणून दिली गेली. दुसऱ्या गटाला फक्त इंट्रानैजल लस देण्यात आली तर तिसऱ्या गटाला 28 दिवसांच्या अंतराने इंट्रानैजल आणि कोव्हॅक्सीन लस देण्यात आली आहे.