सीबीएसई(CBSE) दहावीचा निकाल(X Result) आज दुपारी 12 वाजता जाहीर होणार आहे.

केंद्रीय माध्यमिक शिक्षण मंडळ, CBSE 10 वीचा निकाल 2021चा आज दुपारी 12 वाजता जाहीर होणार आहे.()

केंद्रीय माध्यमिक शिक्षण मंडळातर्फे (सीबीएसई) दहावीचे निकाल आज जाहीर केले जातील. यासह, सीबीएसई 10 वीचे विद्यार्थी त्यांच्या निकालाच्या तारखेची आतुरतेने वाट पाहत होते ते आज संपेल. अधिकृत माहितीनुसार, सीबीएसई 10 वीचा निकाल आज म्हणजेच 03 ऑगस्ट रोजी दुपारी 12 वाजता जाहीर होईल.

सीबीएसई बोर्डाच्या दहावीच्या परीक्षेसाठी नोंदणी केलेले विद्यार्थी निकाल जाहीर झाल्यानंतर cbseresults.nic.in या वेबसाईटला भेट देऊन त्यांचे निकाल तपासू शकतील. बोर्डाने निकाल घोषित केल्यावर, लिंक अधिकृत वेबसाइटवर सक्रिय केली जाईल. जिथे विद्यार्थी त्यांच्या रोल नंबरद्वारे निकाल तपासू शकतील.

सीबीएसई दहावीचा निकाल ऑगस्टमध्ये जाहीर होण्याची अलीकडच्या वर्षांत ही पहिलीच वेळ आहे. 2020 मध्ये, सीबीएसई 10 वीचा निकाल जुलैमध्ये जाहीर झाला. 2019 चा निकाल 2 मे रोजी जाहीर झाला. तर 2018 आणि 2017 मध्ये 10 वीचा निकाल अनुक्रमे 29 मे आणि 3 जून रोजी जाहीर झाला होता.

सीबीएसई 10 वीचा निकाल जाहीर झाल्यानंतर cbse.nic.in, cbse.gov.in, cbseacademic.nic.in या अधिकृत वेबसाईटवर जाऊन तपासले जाऊ शकते.दरम्यान, सीबीएसईने बाहेरून परीक्षा देणाऱ्या विद्याथ्यांसाठी परीक्षेची तारीखही जाहीर केली आहे. खाजगी विद्यार्थ्यांच्या परीक्षा 16 ऑगस्ट ते 15 सप्टेंबर दरम्यान घेण्यात येतील.