Pakistani Drone: बीएसएफच्या जवानांनी अमृतसरजवळ पाकिस्तानचे ड्रोन पाडले आहे. अमृतसर जिल्ह्यातील राय गावाजवळ केलेल्या झडतीदरम्यान या क्रॅश झालेल्या ड्रोनमधून संशयित हेरॉईनचे 1 मोठे पॅकेट सापडले आहे. ज्याचे एकूण वजन अंदाजे 5.5 किलो होते. 

बीएसएफच्या जवानांनी ड्रोनचा आवाज ऐकला आणि आवाजाला लक्ष्य करत गोळीबार सुरू केला. संपूर्ण परिसराला वेढा घातला. दरम्यान, पंजाब पोलीसही घटनास्थळी पोहोचले. सीमा सुरक्षा दलाचे जवान आणि पंजाब पोलिसांनी संयुक्तपणे शोध मोहीम सुरू केली. यादरम्यान त्यांना खराब झालेले ड्रोन तेथे पडलेले दिसले. झडतीदरम्यान गावात हेरॉईनही सापडले आहे. 

बुधवारी रात्री अमृतसरमध्येही सीमा सुरक्षा दलाने भैनी राजपुता गावात पाकिस्तानच्या दिशेने उड्डाण करणारे ड्रोन पाडले होते. सीमा सुरक्षा दलाचे जवान बुधवारी रात्री गस्त घालत असताना रात्री 9:10 च्या सुमारास त्यांना ड्रोनचा आवाज आला. 

जवानांनी आवाजाला लक्ष्य करत गोळीबार सुरू केला आणि संपूर्ण परिसराला वेढा घातला. ड्रोन मॉडेल DJI Matris 300RTK मालिका क्वाडकोप्टर होते. मात्र, ड्रोनमध्ये हेरॉईन किंवा इतर कोणतेही अवैध पदार्थ सापडले नाहीत. मात्र, या फ्रोनने हेरॉईनचे पाकीट जवळच्या गावात टाकले. ज्यामध्ये अडीच किलो हेरॉईन सापडले. आणि पोलिसांनी हे पाकीट जप्त केले.