भारतात बनवलेल्या कोरोना लसीला अद्याप जागतिक आरोग्य संघटनेने (World Health Organization) मान्यता दिली नाही. पण ऑस्ट्रेलियन सरकारने भारत बायोटेकने बनवलेल्या कोवॅक्सीनला मान्यता दिली आहे, अशी माहिती ऑस्ट्रेलियातील भारताचे उच्चायुक्त बॅरी ओ फारेल यांनी दिली आहे. कोवॅक्सीनला ऑस्ट्रेलियन सरकारकडून मान्यता मिळाली आहे पण अद्याप जागतिक आरोग्य संघटनेने मंजुरी दिली नसून अधिक माहिती देण्याची मागणी केली आहे.

जागतिक संस्थेचे असे म्हणणे आहे की, त्यानं या लसीबद्दल अधिक माहिती मिळणे आवश्यक आहे. या आधारेच लसीच्या वापरास मान्यता दिली जाऊ शकते. यापूर्वी 26 ऑक्टोबर रोजी जागतिक आरोग्य संघटनेची बैठक झाली होती, ज्यामध्ये या लसीला मान्यता मिळणे अपेक्षित होते पण असे झाले नाही. आता 3 नोव्हेंबरला जागतिक आरोग्य संघटनेची बैठक होणार आहे. या बैठकीमध्ये भारत बायोटेकच्या कोवॅक्सीन या लसीला मान्यता मिळू शकते. यांचा वर्षी 19 एप्रिल रोजी भारत बायोटेकने जागतिक आरोग्य संघटनेकडे अर्ज केला होता. ही लस भारत बायोटेक इंडियन कौन्सिल ऑफ मेडिकल रिसर्च मदतीने तयार केली आहे.

कोविशील्ड लसीला ऑस्ट्रेलियन सरकारने यापूर्वीच मान्यता दिली आहे. आतापर्यंत भारतातील 90 टक्के लोकांना फक्त कोविशील्ड देण्यात आली आहे. याशिवाय ऑस्ट्रेलियन सरकारने फाजझर, जॉन्सस अँड जॉन्सस, मॉडर्ना, सिनोव्हॅक, सिनोफार्म आणि भारत बायोटेक या लसींना मान्यता दिली आहे.