2017 मध्ये भागलपूर बॉम्बस्फोट प्रकरणात मोठे यश मिळाले आहे. बॉम्बस्फोट प्रकरणात वाँटेड असलेल्या एका व्यक्तीला नागपुरातील मोमीनपुरा भागातून मंगळवारी अटक करण्यात आल्याची माहिती एका पोलीस अधिकाऱ्याने माहिती दिली. पोलीस अधिकाऱ्याने सांगितले की, अटक करण्यात आलेल्या आरोपीचे नाव मोहम्मद तनवीर मोहम्मद मंजूर असून त्याचे वय अंदाजे 32 वर्षे आहे. (bihar man wanted in bhagalpur bomb blast-arrested from nagpur)

या छाप्यात त्याच्याकडून देशी बनावटीचे रिव्हॉल्व्हर तसेच दोन गोळ्याही जप्त करण्यात आल्या आहेत. अधिकाऱ्याने सांगितले की, तो गेल्या आठवड्यात नागपुरात आला होता.तो एका महिलेच्या घरी राहत होता. मोहम्मद तनवीर हा 2017 च्या भागलपूर बॉम्बस्फोट खटल्यातील मुख्य आरोपी आहे. त्याला न्यायालयात नेले जात असताना तो फरार झाला होता.