उत्तर प्रदेश, उत्तराखंडसह पाच राज्यांमध्ये झालेल्या विधानसभा निवडणुकांचे निकाल (Assembly Election Results 2022) जाहीर होत आहेत. सकाळी 8 वाजल्यापासून मतमोजणीला सुरुवात झाली आहे. उत्तर प्रदेशात पुन्हा एकदा भाजपचे सरकार स्थापन होत आहे. ट्रेंडनुसार भाजप 403 पैकी 249 जागांवर पुढे आहे. यूपीमध्ये सरकार स्थापन करण्यासाठी भाजपने बहुमतांचा आकडा पार केला आहे. लखनऊ भाजप कार्यालयात कार्यकर्त्यांनी मिठाई वाटण्यास सुरुवात केली आहे. चला जाणून घेऊया बहुमतासाठी आवश्यक आकडा किती आहे?

विधानसभा निवडणुकीत जेव्हा एखादा पक्ष किंवा आघाडी त्या मतदारसंघातील एकूण जागांपैकी निम्म्याहून अधिक जागा जिंकते तेव्हा त्याला बहुमत मिळते असे म्हणतात. उदाहरणार्थ, उत्तर प्रदेशात विधानसभेच्या 403 जागा आहेत आणि येथे बहुमत मिळवण्यासाठी कोणत्याही पक्षाला 202 जागा हव्या आहेत.

पंजाबमध्ये विधानसभेच्या 117 जागा आहेत. येथे बहुमतासाठी आवश्यक आकडा 59 असेल. त्याचवेळी, उत्तराखंडमध्ये विधानसभेच्या 70 जागा आहेत आणि येथे बहुमतासाठी 36 जागांची आवश्यकता आहे. तर गोव्यातील विधानसभेच्या 40 जागांसाठी बहुमताचा आकडा 21 आहे. विधानसभेच्या 60 जागा असलेल्या मणिपूरमध्ये सरकार स्थापन करण्यासाठी पक्षाला 31 जागा जिंकणे आवश्यक आहे.

यूपीमध्ये 7 टप्प्यात निवडणुका झाल्या

निवडणूक आयोगाने 8 जानेवारी 2022 रोजी उत्तर प्रदेश विधानसभा निवडणुकीची घोषणा केली होती. 403 जागांच्या 18व्या विधानसभेसाठी 10 फेब्रुवारी ते 7 मार्च या कालावधीत सात टप्प्यांत मतदान झाले आणि आज मतमोजणी होत आहे. या सात टप्प्यांत 10 फेब्रुवारी, 14 फेब्रुवारी, 20 फेब्रुवारी, 23 फेब्रुवारी, 27 फेब्रुवारी, 3 मार्च आणि 7 मार्च रोजी मतदान झाले.

10 फेब्रुवारीला पहिल्या टप्प्यात पश्चिम उत्तर प्रदेशातील 11 जिल्ह्यांतील 58 जागांवर, दुसऱ्या टप्प्यात 14 फेब्रुवारीला 9 जिल्ह्यांतील 55 जागांवर, 20 फेब्रुवारीला पश्चिम आणि बुंदेलखंडमधील तिसऱ्या टप्प्यात 16 जिल्ह्यांतील 59 जागांवर मतदान झाले आहे. चौथ्या टप्प्यात 23 फेब्रुवारी रोजी मतदान झाले, ज्यामध्ये 9 जिल्ह्यांतील 60 जागांवर मतदान झाले.

पाचव्या टप्प्यात 27 फेब्रुवारीला 11 जिल्ह्यांतील 60 जागांसाठी, 3 मार्चला सहाव्या टप्प्यात 10 जिल्ह्यांतील 57 जागांसाठी आणि सातव्या आणि शेवटच्या टप्प्यात 7 मार्चला 9 जिल्ह्यांतील 54 जागांसाठी मतदान होणार झाले.

सुरुवातीच्या ट्रेंडमध्ये भारतीय जनता पक्ष ( BJP) आघाडीवर आहे. यूपी निवडणुकीत भाजप 264 जागांवर आघाडीवर आहे, तर समाजवादी पक्ष 110, बसपा 4, काँग्रेस 4 आणि इतर तीन जागांवर आघाडीवर आहे. गोरखपूर विधानसभा मतदारसंघातही मतमोजणी सुरू आहे. यूपीमध्ये भाजपला 42% आणि सपाला 32% मते मिळाली आहेत. यूपीमधील 403 जागांचा कल बघितला तर भाजपच्या खात्यात 269+ जागा जात आहेत, तर सपाच्या खात्यात 120+ जागा जात आहेत. यूपीमधील निकालांचा कल पाहता भाजपला 42 टक्के तर सपाला 32 टक्के तर बसपाला 13 टक्के मते मिळाली आहेत.