AIMIM chief Asaduddin Owaisi Dainik Gomantak
देश

India China Conflict: 'सिलीगुडीत घुसण्याचा चीनचा डाव, मोदी सरकार...' ओवेसींचा हल्लाबोल

Asaduddin Owaisi: भारत-चीन सीमेवरील परिस्थितीबाबत विरोधी पक्ष सातत्याने सरकारवर हल्लाबोल करत आहेत.

दैनिक गोमन्तक

Asaduddin Owaisi: भारत-चीन सीमेवरील परिस्थितीबाबत विरोधी पक्ष सातत्याने सरकारवर हल्लाबोल करत आहेत. या एपिसोडमध्ये एआयएआयएमचे प्रमुख असदुद्दीन ओवेसी यांनीही सरकारच्या देशभक्तीवर प्रश्नचिन्ह उपस्थित केले आहे. ते पत्रकार परिषदेत म्हणाले की, 'चीनच्या बाबतीत आपले सैन्य बलवान आहे, पण सरकार खूपच कमकुवत आहे.'

ओवेसी म्हणाले की, 'चीन (China) सातत्याने घुसखोरी करण्याचा प्रयत्न करत आहे, मात्र आपले सरकार चीनसोबत व्यापार वाढवण्यात गुंतले आहे. त्यांना चीनचे नावही घ्यायचे नाही. सरकारने सीमेवर बफर झोन तयार केला आहे, त्यामुळे लष्कराला गस्त घालता येत नाही. चीन आपल्या जमिनीवर कब्जा करत राहील आणि सरकार देशाला सांगेल की, काहीही होत नाही. ही कसली देशभक्ती?

'सरकार देशाशी खोटे बोलले'

असदुद्दीन ओवेसी (Asaduddin Owaisi) पुढे म्हणाले की, 'गलवान घटनेनंतरही सरकार देशवासियांशी खोटं बोलत आहे. कोणीही घुसले नाही आणि कोणीही घुसणार नाही. मग चर्चेच्या 15 फेऱ्या कोणत्या मुद्द्यावर झाल्या? चिनी सैन्य डेपसांग आणि डेपचॉंगमध्ये बसले आहे. चीन अरुणाचलमध्ये पूल बांधत आहे, ज्यामुळे आगामी काळात धोका निर्माण होऊ शकतो.'

ते पुढे म्हणाले की, 'सीमेवर जवान शहीद झाल्यास कारवाईच्या नावाखाली सरकार फक्त टिकटॉकवर बंदी घालण्याचे काम करते. चीनबाबत मौन बाळगण्याच्या धोरणामागे सरकारकडे ठोस कारण असेल तर कशाला बोलेल. संसदेतील चर्चेपासून सरकार का पळ काढत आहे?'

तसेच, मोदी सरकारकडे भारत-चीन सीमेवरील परिस्थितीवर संसदेत चर्चा करण्याची मागणी काँग्रेसने केली आहे. सरकार या मुद्द्यावर बोलण्यापासून पळ काढत असल्याचेही काँग्रेसने म्हटले आहे. यावर पंतप्रधान मोदींनी संसदेत उत्तर द्यावे. पीएम मोदींवर निशाणा साधत कॉंग्रेसने म्हटले की, सरकार चीनचे नावही घेत नाहीत?

काँग्रेसचे (Congress) सरचिटणीस जयराम रमेश पुढे म्हणाले की, 'चीनच्या मुद्द्यावर लोकसभा आणि राज्यसभेत चर्चा व्हायला हवी. पंतप्रधान नरेंद्र मोदी यांनी यात उत्तर द्यावे, संरक्षण मंत्री किंवा परराष्ट्रमंत्र्यांनी नाही. याआधीही अनेक माजी पंतप्रधानांनी संसदेत उत्तरे दिली आहेत. ते (मोदी) पहिले पंतप्रधान आहेत, जे 'चर्चेपासून पळ काढत' आहेत.'

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Suryakumar Yadav Controversy: पाकची तक्रार फोल! 'सूर्या' फायनल खेळणार, उलट पाकिस्तानच आला अडचणीत; 'त्या' 2 खेळाडूंवर कारवाईची टांगती तलवार

'तू मूर्ख, देवाने तुला अक्कल कमी दिली; पक्षाच्या कार्यकर्त्यांवर बोलशील तर...',शेर्लेकरांना भाजप नेत्याने दिलेल्या धमकीचा फोन कॉल समोर Audio

Goa Tourism: यंदाचा पर्यटन हंगाम जोरात! रशियाहून आठवड्याला 9 विमाने गोव्यात येणार; कझाकिस्तानहूनही सुरु होणार चार्टर सेवा

Horoscope: मेष, कर्कसह 'या' 4 भाग्यवान राशींसाठी आजचा दिवस 'गोल्डन' ठरणार! अचानक धनलाभाचे योग आणि करिअरमध्ये प्रगती निश्चित

India vs Pakistan: टीम इंडियाला हरवण्यासाठी पाकड्यांचा 'मास्टरप्लॅन', शोएब अख्तर, म्हणाला, 'त्या' फलंदाजाला 2 ओव्हर्समध्ये आउट करा

SCROLL FOR NEXT