Raghav Chadha: आम आदमी पार्टी आपल्या विविध वक्तव्यांमुळे चर्चेत असते. आता राघव चड्डा यांनी अरविंद केजरीवाल यांच्याबाबत मोठे वक्तव्य केले आहे . याबरोबरच आम आदमी पार्टी बाबतदेखील विधान केले आहे.

आम आदमी पार्टी ही आंदोलनातून निर्माण झालेला पक्ष आहे. रस्त्यावर काठ्यांचा मार खाऊन , अश्रूधूर अशा अनेक प्रकारच्या संघर्षाचा सामना करत हा पक्ष मोठा झाला आहे.

राघव चड्डांनी पत्रकार परिषदेत भाजपला चेतावनी दिली आहे. आमच्या संघर्षाचा विचार करता तुमच्या ईडी, सीबीआयच्या समन्स आणि तुमच्या तुरुगांना घाबरुन घरात बसणाऱ्या मातीचे आम्ही बनलेले नाही, असे राघव चड्डा यांनी म्हटले आहे.

आम आदमी पार्टीचे लोक आंदोलनातून जन्मलेले लोक आहेत मरेपर्यत संघर्ष करु शकतो. भारताला जगातला नंबर एक देश बनविण्यासाठी आम्ही संघर्ष करत आहोत. आधुनिक युगातील अरविंद केजरीवाल महात्मा गांधी आहेत.

दरम्यान, दारु घोटाळा प्रकारणात आम आदमी पार्टीच्या अनेक नेत्यांच्या घरांची झडती घेण्यात आली आहे. मनीष सिसोदिया यांच्यावर काही गुन्हे दाखल करण्यात आले आहेत. यावर आम आदमी पार्टीने ईडी आणि सीबीआयने खोटे पुरावे सादर करुन कोर्टाला दिशाहीन केले आहे, असाही आरोप आम आदमी पार्टीने केला आहे. आता भाजप यावर काय प्रतिक्रिया देणार हे पाहणे महत्वाचे ठरणार आहे.