Monkeypox Virus: देशात मंकीपॉक्स रुग्णांची संख्या वाढू लागली असतानाच केरळमध्ये आणखी एका मंकीपॉक्स रुग्णाची नोंद झाली आहे. UAE मधून परतलेल्या एका व्यक्तीची चाचणी आज पॉझिटिव्ह आली आहे. यातच आता राज्यात मंकीपॉक्स रुग्णांची संख्या पाचवर गेली आहे.

दरम्यान, केरळच्या (Kerala) आरोग्य मंत्री वीणा जॉर्ज यांनी राज्यातील आणखी एका मंकीपॉक्स रुग्णाच्या वृत्ताची पुष्टी केली आहे.

दुसरीकडे, आरोग्यमंत्र्यांनी सांगितले की, 'मलप्पुरममध्ये 30 वर्षीय रुग्णावर उपचार सुरु आहेत. तो 27 जुलै रोजी यूएईहून (UAE) कोझिकोड विमानतळावर पोहोचला होता. मलप्पुरममधील मंजेरी मेडिकल कॉलेजमध्ये सध्या त्याच्यावर उपचार सुरु आहेत.' मंकीपॉक्ससारखी (Monkeypox) लक्षणे असलेल्या एका व्यक्तीच्या मृत्यूनंतर राज्यातील त्रिशूर जिल्ह्यात वीस लोकांना विलगीकरण कक्षात ठेवण्यात आले आहे, असे अधिकाऱ्यांनी सोमवारी सांगितले.