ऑनलाइन फसवणुकीच्या घटनांमध्ये दिवसेंदिवस वाढ होत आहे. दररोज कोणी ना कोणी या डिजिटल जाळ्यात अडकतोय. याला आळा घालण्यासाठी सरकार सातत्याने जनजागृती करत आहे, परंतु फसवणूक करणाऱ्यांची युक्ती देखील तितकीच चलाख आहे. हे लोक अनेकदा "मुलगी असल्याचं" भासवत गोड बोलून विश्वास संपादन करतात आणि लोकांना जाळ्यात ओढतात.

अलीकडेच भारत सरकारच्या सायबर दोस्त या ट्विटर/X हँडलवरून एक पोस्ट शेअर करण्यात आली आहे. यामध्ये 'एंजल प्रिया' नावाची एक काल्पनिक मुलगी स्क्रीनवर येते आणि विचारते, "मी थोडे पैसे मागू शकते का?" असा मेसेज करत फसवणूक केली जात आहे. या मेसेजवरून सायबर दोस्तनं लोकांना सतर्क राहण्याचं आवाहन केलं आहे.

सायबर दोस्त ही गृह मंत्रालयाचं एक अधिकृत सोशल मीडिया खातं आहे. नागरिकांना सायबर सुरक्षेबाबत जागरूक करण्यासाठी सायबर दोस्त कार्यरत आहे. यावर दररोज वेगवेगळ्या प्रकारच्या फसवणुकींबाबत माहिती दिली जाते, ज्यामुळे लोक सतर्क राहू शकतात.

सायबर दोस्त ही गृह मंत्रालयाची एक अधिकृत सोशल मीडिया मोहिम आहे, जी नागरिकांना सायबर सुरक्षेबाबत जागरूक करण्यासाठी कार्यरत आहे. यावर दररोज वेगवेगळ्या प्रकारच्या फसवणुकींबाबत माहिती दिली जाते, ज्यामुळे लोक सतर्क राहू शकतात.

ऑनलाइन फसवणुक टाळण्यासाठी महत्त्वाच्या गोष्टी

• अनोळखी व्यक्तींच्या प्रोफाईल फोटोवर (DP) विश्वास ठेवू नका.

• 'मुलगी आहे' अशा समजुतीतून अंधविश्वास बाळगू नका.

• जर कोणी ऑनलाइन पैसे मागत असेल, तर तत्काळ सतर्क व्हा.

• अशा प्रकारचे मेसेज, लिंक, किंवा व्हिडीओ आल्यास लगेच सायबर क्राईम विभागात तक्रार नोंदवा.