Indigo Flight: इंडिगो विमानातील एका प्रवाशाला महिला क्रू मेंबरचा विनयभंग केल्याप्रकरणी अटक करण्यात आली आहे. महिला क्रू मेंबरचा विनयभंग केल्याप्रकरणी शनिवारी राजासांसी पोलीस ठाण्याच्या पोलिसांनी राजिंदर सिंगला अटक केली.

आरोपीविरुद्ध गुन्हा दाखल केल्यानंतर पोलिसांनी रविवारी सायंकाळी त्याला न्यायालयात हजर केले होते. त्यानंतर त्याची रवानगी न्यायालयीन कोठडीत करण्यात आली.

दरम्यान, एसजीआरडी विमानतळावर तैनात इंडिगो एअरलाइनचे सहाय्यक सुरक्षा व्यवस्थापक अजय कुमार यांनी विमानतळ पोलिसांना दिलेल्या तक्रारीत सांगितले की, जालंधरमधील कोटली गावचे रहिवासी राजिंदर सिंग दुबईहून (Dubai) इंडिगो एअरलाइनच्या फ्लाइटमध्ये प्रवास करत होते. फ्लाइट दरम्यान, आरोपीने मद्य प्राशन करुन महिला क्रू मेंबरचा विनयभंग केला.

तपास अधिकारी एएसआय तरसेम सिंग यांनी सांगितले की, आयपीसीच्या कलम 354 आणि 509 अंतर्गत गुन्हा नोंदवून आरोपीला अटक करण्यात आली आहे.

आरोपीला (Accused) ड्युटी मॅजिस्ट्रेटसमोर हजर केल्यानंतर त्याची न्यायालयीन कोठडीत रवानगी करण्यात आल्याचे त्यांनी सांगितले.