जम्मू-काश्मीरमध्ये गेल्या काही महिन्यांत हिंदू समाजाच्या टार्गेट किलिंगची प्रकरणे समोर आल्यानंतर प्रशासनाने मोठा निर्णय घेतला आहे. आता काश्मीर खोऱ्यात काम करणाऱ्या हिंदू समाजातील सर्व सरकारी कर्मचाऱ्यांना जिल्हा मुख्यालयातच तैनात केले जाईल. (All Hindu employees in Kashmir transferred to district headquarters, big decision after the target killing)

दरम्यान, मंगळवारीही कुलगाममध्ये हिंदू महिला शिक्षिका रजनी बाला यांची दहशतवाद्यांनी (Terrorists) गोळ्या झाडून हत्या केली होती. गेल्या 5 महिन्यांतील ही 16 वी टार्गेट किलिंग होती. यानंतर प्रशासनाचा हा निर्णय महत्त्वाचा आहे, कारण सुरक्षित ठिकाणीच पोस्टिंग मिळावी, अशी मागणी कर्मचाऱ्यांकडून सातत्याने होत होती. गेल्या महिन्यात बडगामच्या दुर्गम भागातील चांदुरा येथील तहसील आवारात घुसून राहुल भटचीही हत्या करण्यात आली होती.

6 जूनपर्यंत हिंदू कर्मचाऱ्यांना सुरक्षित स्थळी तैनात केले जाईल

यानंतर त्याच्या कुटुंबीयांनी आरोप केला होता की, त्याची जिल्हा मुख्यालयात नियुक्ती झाली असती तर आज तो जिवंत असता. बुधवारी लेफ्टनंट गव्हर्नर मनोज सिन्हा (Lieutenant Governor Manoj Sinha) यांनी श्रीनगरमध्ये (Srinagar) वरिष्ठ अधिकाऱ्यांची बैठक घेऊन हा निर्णय घेतला. अधिकृत सूत्रांनी दिलेल्या माहितीनुसार, या सर्व कर्मचाऱ्यांना 6 जूनपर्यंत सुरक्षित ठिकाणी पोस्टिंग देण्यात येणार आहे. काश्मीरमधील दुर्गम भागात जिथे सुरक्षा व्यवस्था कमी आहे, तिथे हिंदू (Hindu), शीख किंवा अल्पसंख्याक समुदायातील कोणत्याही कर्मचाऱ्याला पोस्टिंग दिले जाणार नाही, असा निर्णय बैठकीत घेण्यात आला. एवढंच नाही तर या कर्मचाऱ्यांच्या समस्यांवर वेळीच सुनावणी व्हावी यासाठी ईमेल आयडी तयार करण्याचा निर्णयही घेण्यात आला आहे. सर्व विभागातील निचतम स्तरावरील कर्मचाऱ्यांच्या सुरक्षेबाबतच्या चिंता दूर करण्याची गरज असल्याचे बैठकीत स्पष्ट झाले. त्यांनी काही तक्रार केल्यास त्यावर तातडीने कारवाई करावी.