'सम्राट पृथ्वीराज’ हा चित्रपट मध्य प्रदेशात करमुक्त करण्यात आला आहे. खुद्द मुख्यमंत्री शिवराज सिंह यांनी ही घोषणा केली आहे. त्यांनी ट्विटमध्ये म्हटले की, महान योद्धा सम्राट पृथ्वीराज चौहान यांच्या जीवनावर आधारित अक्षय कुमार स्टारर ‘सम्राट पृथ्वीराज’ हा चित्रपट मध्य प्रदेशात करमुक्त करण्याचा निर्णय घेण्यात आला आहे. जेणेकरुन अधिकाधिक तरुणांना महान सम्राटाचे जीवन पाहता येईल. अधिक प्रेम जागृत करा. उत्तर प्रदेशनंतर आता मध्य प्रदेशातही अक्षय कुमारचा चित्रपट करमुक्त करण्यात आला आहे. (After Uttar Pradesh Samrat Prithviraj is tax free in Madhya Pradesh)

दरम्यान, सम्राट पृथ्वीराज चौहान हा चित्रपट यशराज फिल्मच्या बॅनरखाली बनला आहे. या चित्रपटात अभिनेता अक्षय कुमार (Akshay Kumar) आणि अभिनेत्री मानुषी छिल्लर यांनी महत्त्वाच्या भूमिका साकारल्या आहेत. मिळालेल्या माहितीनुसार, हा चित्रपट पृथ्वीराज चौहान यांच्यावर लिहिलेल्या 'पृथ्वीराज रासो' या पुस्तकावर आधारित आहे. हा चित्रपट 3 जून रोजी प्रदर्शित होत आहे. हा चित्रपट पृथ्वीराज चौहान आणि संयोगिता यांच्या प्रेमकथेवर आधारित आहे. यासोबतच मोहम्मद घोरीसोबतचे युद्धही चित्रपटात दाखवण्यात येणार आहे.

अमित शहा (Amit Shah) म्हणाले की, ''इतिहासाचा विद्यार्थी म्हणून, भारताच्या सांस्कृतिक युद्धांचे चित्रण करणारा चित्रपट पाहण्यात मला आनंद तर आलाच, पण या सिनेमात भारतीयांचे चित्रण ज्या प्रकारे केले गेले ते पाहूनही मी हरखून गेलो. 13 वर्षांनंतर मी कुटुंबासह थिएटरमध्ये चित्रपट पाहत आहे. त्याच्या कुटुंबीयांसाठी तो खूप आनंदाचा क्षण होता.''

अमित शाह पुढे म्हणाले की, ''हा चित्रपट (Movies) खरोखरच महिलांचा आदर आणि सशक्तीकरण करण्याची भारतीय संस्कृती दर्शवतो. मध्ययुगीन काळात स्त्रियांना मिळालेल्या राजकीय शक्ती आणि निवडीचे स्वातंत्र्य याबद्दल चित्रपटाने एक अतिशय मजबूत संदेश दिला.''