महाराष्ट्रात दोन आठवड्यापूर्वी सत्ता नाट्याचे प्रयोग संपूर्ण देशाने पाहीले. शिवसेनेच्या बंडखोर आमदारांनी अंतर्गत वादाने आम्हाला हा निर्णय घ्यावा लागल असे सांगितले. तसेच काही नेते आपला स्वार्थ साधण्यासाठी शिवसेनेचा वापर करुन घेत आहेत. असे ही आरोप झाले होते. यानंतर आता अशीच काहीशी स्थिती झारखंडमध्ये सुरू आहे. (After Maharashtra change government Jharkhand jmm congress government unstable )

एकीकडे तपास यंत्रणा झारखंडचे मुख्यमंत्री हेमंत सोरेन आणि त्यांच्या निकटवर्तीयांवर मुसक्या आवळत आहेत, तर दुसरीकडे आघाडीचे भागीदार झारखंड मुक्ती मोर्चा (जेएमएम) आणि काँग्रेस यांच्यात राष्ट्रपतीपदाच्या संदर्भात अंतर वाढत चालले आहे. याबाबत झारखंड सत्ताधारी आघाडीचे मित्रपक्ष सध्या अशा शंका फेटाळून लावत आहेत, आणि सर्व ठीक असल्याचा दावा करत आहेत. मात्र, रांची आणि दिल्लीच्या राजकीय वर्तुळात झारखंडच्या अडीच वर्षांच्या सरकारबद्दल जोरदार झारखंड सरकार अस्थिर झाल्याच्या चर्चा सुरू आहेत.

एनडीएने झारखंडमध्ये द्रौपदी मुर्मू यांना राष्ट्रपतीपदाच्या उमेदवार म्हणून उभे करून त्यांच्या सहयोगी पक्षांमध्ये तेढ निर्माण केली आहे. झारखंडमध्ये मोठ्या प्रमाणात आदिवासी लोकसंख्या आहे. आणि मुर्मू यांच्या नावाची घोषणा होण्यापूर्वी विरोधी उमेदवार यशवंत सिन्हा यांना पाठिंबा देणारा JMM आदिवासींच्या नावावर राजकारण करत आहे. अशा स्थितीत झारखंडचे राज्यपाल मुर्मू यांच्या विरोधात जाऊन यशवंत सिन्हा यांना मत देणे त्यांना अवघड झाले आहे.

अन् नितीशकुमार यांनी महाआघाडी सोडली

2017 मध्ये आरजेडीसोबत सरकार चालवत असलेल्या नितीश कुमार यांनी राष्ट्रपतीपदाच्या निवडणुकीत एनडीएचे उमेदवार राम नाथ कोविंद यांना पाठिंबा देत बिहारचे राज्यपाल सर्वोच्च घटनात्मक पदावर जातील असे म्हटले होते. काही काळानंतर नितीशकुमार यांनी महाआघाडी सोडली आणि भाजपसोबत पुन्हा सरकार स्थापन केले.