Aap Councilor Murder: पंजाबमधील मालेरकोटला येथे रविवारी सकाळी आम आदमी पक्षाचे नगरसेवक मोहम्मद अकबर (Mohammad Akbar) यांची जिममध्ये गोळ्या झाडून हत्या करण्यात आली आहे. माहिती मिळताच पोलिसांनी घटनास्थळ गाठून तपास सुरु केला. काही वर्षांपूर्वी अकबर यांच्या मोठ्या भावाचीही गोळ्या झाडून हत्या करण्यात आली होती.

दरम्यान, अकबर यांनी काँग्रेस (Congress) पक्षाकडून नगराध्यक्षपदाची निवडणूक जिंकली होती. पंजाबमधील (Punjab) सत्ताबदलानंतर ते आपमध्ये सामील झाले होते.

जिल्हा पोलीस प्रमुख अवनीत कौर सिद्धू यांनी सांगितले की, 'या घटनेचा तपास सुरु करण्यात आला असून, या घटनेतील गुन्हेगार लवकरच पोलीस कोठडीत असतील.' तर दुसरीकडे, आमदार डॉ.मोहम्मद जमील उर रहमान यांनी मोहम्मद अकबर यांच्या निधनाबद्दल शोक व्यक्त करत मृतांच्या कुटुंबीयांना न्याय मिळवून दिला जाईल, असे म्हटले आहे.