दिल्लीत झालेले श्रद्धा वालकर हत्या प्रकरण संपूर्ण देशात गाजत असताना, आता त्यासारखीच दुसरी एक घटना समोर आली आहे. महिलेने आपल्या मुलाच्या मदतीने पतीची हत्या केली आहे. दोघांनी मृतदेहाचे 22 तुकडे केले, रेफ्रिजरेटरमध्ये ठेवले आणि पूर्व दिल्लीतील अनेक भागात फेकून दिले आहेत. दिल्ली पोलिसांनी महिला आणि तिच्या मुलाला अटक केली आहे. पतीचे दुसऱ्याशी प्रेमसंबंध असल्याने हत्या केली असल्याची माहिती समोर आली आहे.

(A woman along with her son arrested for murdering her husband. They chopped off body in several pieces)

पांडव नगर येथील रहिवासी अंजन दास यांची या वर्षी जूनमध्ये हत्या करण्यात आली होती. त्यांच्या मृतदेहाचे तुकडे करून घरातील रेफ्रिजरेटरमध्ये ठेवण्यात आले. त्यानंतर दररोज मृतदेहाचे तुकडे पांडवनगर आणि पूर्व दिल्लीतील वेगवेगळ्या भागात फेकले जात होते. पूनम आणि तिचा मुलगा दीपक यांनी ही हत्या केली.

मिळालेल्या माहितीनुसार, अवैध संबंधातून ही हत्या करण्यात आली आहे. मृतदेहाचे तुकडे घेऊन जातानाचे सीसीटीव्ही फुटेजही समोर आले आहे. आरोपी पूनम आणि तिचा मुलगा दीपक यांनी जूनमध्ये अवैध संबंधातून दासची हत्या केली. अशी माहिती पोलिसांनी दिली आहे.