Crime Dainik Gomantak
देश

Uttar Pradesh: क्रूरता! 80 वर्षाच्या वृद्धाने आठ वर्षाच्या चिमुकलीवर केला बलात्कार, सहा दिवसांपासून...

Uttar Pradesh Crime: उत्तर प्रदेशातील कानपूरमध्ये एका चिमुकलीवर अत्याचार केल्याची घटना समोर आली आहे.

Manish Jadhav

Uttar Pradesh Crime: उत्तर प्रदेशातील कानपूरमध्ये एका चिमुकलीवर अत्याचार केल्याची घटना समोर आली आहे. बर्रा परिसरात आठ वर्षांच्या निष्पाप चिमुकलीला झोपडीत नेऊन एका नराधमाने बलात्कार केला.

शनिवारी वडिलांनी या नराधमाच्या झोपडीत डोकावून पाहिले असता दोघेही आक्षेपार्ह अवस्थेत दिसले, तेव्हा ते चक्रावून गेले. त्यानंतर वडिलांनी कंट्रोल रुमच्या माध्यमातून पोलिसांना या घटनेची माहिती दिली. पोलिसांनी आता आरोपीला ताब्यात घेतले आहे.

दरम्यान, राजमिस्त्री परिवारासोबत राम जानकी मंदिराशेजारी आरोपी राहत होता. आरोपीचे (Accused) नाव बाबा घनश्यामदास (80) असे आहे. शुक्रवारी महापालिकेने अतिक्रमण हटाव मोहिमेत त्याची झोपडी हटवली होती, मात्र त्याने पुन्हा आपले बस्तान त्याच ठिकाणी बसवले.

शनिवारी सकाळी पीडितेची वडिल-आई चार वर्षांची मुलगी आणि दीड वर्षाच्या मुलासह कामावर गेले, तर दुसरी मुलगी घरीच होती. पीडितेची आई-वडिल दुपारी घरी पोहोचले असता मुलगी बेपत्ता होती.

दुसरीकडे, बेपत्ता मुलीचा शोध सुरु असताना आरोपीच्या झोपडीजवळ जाऊन डोकावून पाहिले असता तो मुलीवर जबरदस्ती करत असल्याचे दिसले. त्यानंतर, दार ठोठावल्यावर आरोपीने मुलीला कपडे घालून बाहेर आणले.

आईने मुलीला विचारले असता तिने सांगितले की, 'बाबा गेल्या सहा दिवसांपासून चॉकलेट आणि पैशाचे आमिष दाखवून चुकीचे काम करत आहे.' हे ऐकून दाम्पत्याला धक्काच बसला. काही वेळात लोकांची गर्दी जमली.

तसेच, राजमिस्त्री परिवाराच्या माहितीवरुन पोलीसही (Police) तात्काळ घटनास्थळी पोहोचले. त्यांनी आता आरोपीला ताब्यात घेतले आहे. बर्राचे इन्स्पेक्टर मानवेंद्र सिंह यांनी सांगितले की, आरोपीविरुद्ध पोक्सो कायद्यांतर्गत गुन्हा दाखल करुन अटक करण्यात आली आहे. पीडितेचे मेडिकल झाले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

रुद्रेश्वरासमोर दामू नाईकांचे 'मिशन 27'! प्रदेशाध्यक्षांचा वाढदिवस, भाजपने केला निवडणुकीचा श्रीगणेशा

Opinion: शिक्षण, संशोधन आणि कौशल्यविकासाच्या संगमातून भारताचा दबदबा; 'विक्रम' चिप ठरते स्वदेशी सामर्थ्याचे प्रतीक

BITS Pilani: 'बिट्स पिलानीतील मृत्यूंची चौकशी करा, न्यायालयीन आयोग नेमावा', प्रतीक्षा खलप यांची मागणी

Asia Cup 2025: अर्शदीप सिंह रचणार इतिहास! आशिया कपमध्ये ठोकणार 'शतक'; अशी कामगिरी करणारा ठरणार पहिलाच भारतीय

Nehara Cottage CRZ Approval: अखेर क्रिकेटर आशिष नेहराच्या कॉटेजला परवानगी, केळशी पंचायत 11 सप्‍टेंबरला करणार जागेची पाहणी

SCROLL FOR NEXT