ummer Holiday Activity: मातृदिनाचे औचित्य साधून, रविवार 14/05/23 रोजी नादोडा-रेवोडा गावातील मुलांनी स्वच्छता मोहीम राबवली. ‘#गावाखातिर’ हे टॅक सेव्ही नाव देऊन ह्या उपक्रमाची सुरवात मुलांनी केली.

आदल्या दिवशी, शनिवारी, मुलांनी आपण स्वतः तयार केलेली माहिती पत्रके घरोघरी वितरित केली होती. ह्या पत्रकात कचरा विलगीकरणाची माहिती देण्याबरोबर स्वच्छता मोहिमेत सामील होण्याचे आवाहनही मुलांनी गावकऱ्यांना केले होते. 

दुसऱ्या दिवशी सकाळी 7.30 वाजता, ह्या उपक्रमाची सुरवात नादोडा पंचायतींच्या प्रांगणात एका औपचारिक कार्यक्रमाने झाली. या कार्यक्रमात गावचे सरपंच परेश दयानंद गावस, माजी सरपंच योगानंद सखे गावस ह्यांनी मुलांना मार्गदर्शन केले आणि हा उपक्रम सुरू केल्याबद्दल त्यांचे अभिनंदन केले. सृष्टी गावस आणि अक्षता गावस या मुलांनी उपक्रमाबद्दल माहिती दिली.

कार्यक्रमात आणि स्वच्छ्ता मोहिमेत गावचे पंच सदस्य, मुलांचे पालक, काही सामाजिक बांधिलकी असलेले गावकरीही मोठ्या उत्साहाने सहभागी झाले. गावासाठी असे अनेक उपक्रम राबवण्याचा या मुलांचा मानस आहे. या उपक्रमाचे अनुकरण इतरही गावातील मुलांनी करावे आणि अशा मुलांचा एक मोठा समूह तयार व्हावा अशी स्वप्ने हे बालवीर उराशी बाळगून आहेत.