द आर्ट पिव्होट इंडिया, जी. पी. कोईराला फाऊंडेशन व आर्ट अँड कल्चर खाते, नेपाळ यांच्यातर्फे अलीकडेच काठमांडू नेपाळ येथे झालेल्या हेरिटेज कला महोत्सव २०२३ मध्ये गोमंतकीय प्रतिभाशाली चित्रकार अनिता कुबल यांना सतत दुसऱ्यांदा आपला चित्राविष्कार प्रदर्शित करण्याची संधी लाभली.
तुर्की, मलेशिया, फिलिपाईन, यूएई, ऑस्ट्रीया व भारत या देशांतील २५ चित्रकार या कला महोत्सवात सहभागी झाले होते. वास्तू विशारद असलेल्या अनिता यांच्या कन्या अंकिता यांनाही तिच्या दोन चित्रकृती प्रदर्शित करण्याची संधी लाभली त्यामुळे मायलेकीचा एकत्रित चित्राविष्कार अनेकांना पहाता आला व याचा आनंद अनिता यांना जास्त झाला.
अनिता यांनी आपल्या जलरंगातील आठ चित्रकृती प्रदर्शित केल्या होत्या व त्यांना चांगला प्रतिसादही लाभला. कला अकादमी गोवा ते न्यू जर्सी व नेपाळ असा त्यांचा कलाप्रवास झाला आहे. या प्रदर्शनात भारतातून पूर्णिमा कौल, प्रो. राजेश यादव, डॉ. गोपाळ प्रसाद, डॉ. चित्रा सेन, ईशिता जैन, डॉ. रघुनाथ शर्मा व श्लोका अग्रवाल या चित्रकारांचाही समावेश होता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.