-नितीन कोरगावकर

एकाच वेळी दोन्ही हातांचा आणि पायांचा उपयोग करून वेगवेगळ्या तीन कॅनव्हासवर (3×4 फूट) अवघ्या तीन मिनिटात चित्र साकारून इंडियन बुक ऑफ रेकॉर्डमध्ये स्थान मिळवणारे व 2011 मध्ये 2×3 फूट आकाराच्या कागदावर तीन मिनिटात तीस स्केचेस साकारून असाच चमत्कार घडवून दोन अद्वितीय जागतिक विक्रमांचे मानकरी ठरलेले गुवाहाटी-आसाम येथील विलक्षण प्रतिभा घेऊन जन्मलेले रबीन बार यांच्या थक्क करणाऱ्या प्रात्यक्षिकांचा  व सिग्नेचर पेंटिंगची किमया अनुभव घेण्याची संधी गोमंतकीय चित्रकार व रसिकांना लाभणार आहे. निमित्त आहे एलोरा आर्ट अँड क्राफ्ट सोसायटी, आसाम या सरकारी नोंदणीकृत संस्थेतर्फे 11 ते 14 दरम्यान मेकानिझ पॅलेस(ईएसजी) येथील कला दालनात भरणाऱ्या चित्रप्रदर्शनाचे.

विविध दूरदर्शन वाहिन्यांच्या मंचावर अफलातून आपल्या कलेचे सादरीकरण करून रसिकप्रिय बनलेल्या रबीन यांनी, सोनी टीव्ही, कलर्स, ईटीव्ही (मराठी, बांगला,तमिळ, तेलगू),इन ई टीव्ही, झी न्युज अशा वाहिन्यांवरुन चमत्कृतीपूर्ण चित्रकलेचे (Painting) कार्यक्रम करून ख्याती मिळवली आहे.

11 पासून भरणाऱ्या चित्रप्रदर्शनात (Exhibition) ठिकठिकाणचे तीस चित्रकार, शिल्पकार सहभागी होणार असल्याने ,विविध माध्यमातील, वैविद्यपूर्ण कलाकृतींचा आस्वाद घेण्याची संधी येथील रसिकांना लाभणार आहे. रबीन हे समकालीन वरचनात्मक अशा दोन्ही अंगांनी चित्रे साकारतात. त्यांची सर्जसनशील क्षमता तर अफलातून आहे. कुठल्याही गोष्टीवर ते तात्काळ चित्र रेखाटतात. कुठलाही प्रसंग,क्षण ते सहज टिपतात.