म्हापशाला ‘कलाकारांची नगरी’ असेही म्‍हटले जाते. कला, संस्कृती व साहित्य क्षेत्रात ती प्रथमस्थानी गणली जाते. गोवा मुक्तिपूर्वीपासून देवालयांच्या प्रांगणात कला आणि संस्कृती जोपासली गेली. या माध्यमातून अनेक कलाकार उदयास आले. वेगवेगळ्या मंदिरांतील उत्सवांमधून संगीत, नाटक, कीर्तन असे कार्यक्रम होऊ लागले. त्यातून नवनवे कलाकार निर्माण झाले.

श्री शांतादुर्गा ही म्हापसेकरांची ग्रामदेवता. खोर्ली-म्हापसा येथील ग्रामदेवता श्री सातेरी देवी, म्हापसावासीयांचा रक्षणकर्ता श्री देव बोडगेश्‍‍वर, श्री लक्ष्मीनारायण देवस्थान, श्री दक्षिणमुखी महारुद्र संस्थान, श्री विठोबा-रखुमाई, श्री राष्ट्रोळी, श्री घाटेश्वर, श्री गणेश, श्री साईनाथ अशी अनेक मंदिरे म्हापसा परिसरात आहेत. तेथे वर्षाकाठी विविध धार्मिक आणि सांस्कृतिक कार्यक्रम होतात. भजन, गायन, नाट्यकलेच्या माध्यमातून संस्कृती संवर्धन केले जाते. या माध्यमातूनच मोठमोठे कलाकार, संगीतकार, साहित्यिक, नाटककार निर्माण झालेले आहेत.

या कलाकारांमध्‍ये सावकार घराण्यातील रघुवीर सावकार, त्यांचे पुत्र पद्मश्री प्रसाद सावकार, मनोहर सावकार, विनायक सावकार, पं. गोपीनाथ वाळके, श्रीरंग नार्वेकर, गजानन भर्तू, हनुमंत नाटेकर, हनुमंत टोपले, मोतीलाल बांदेकर, श्‍‍यामसुंदर नेवगी, प्रमोद नाईक, रवळनाथ शिरोडकर, हरी ढेकणे, गोविंद हिरवे, शंभू कोरगावकर, अनंत रघुनाथ टोपले, रघुनाथ टोपले, विष्णू लोटलीकर, बाळकृष्ण पेडणेकर, अरविंद चिखलीकर, रमेश वेरेकर, महाबळेश्‍‍वर रेडकर, जीवन मयेकर, दत्ताराम कोरगावकर, रंजन मयेकर,

सूर्यकांत नाईक, रामदास फळारी, उज्‍ज्वला नाटेकर, चंद्रकांत वेर्णेकर, मंगेश नागडे, नामदेव हरमलकर, डॉ. गुरुदास नाटेकर, सुरेंद्र सिरसाट, पांडुरंग कोरगावकर, उल्हास शिरोडकर, गोपाळ राऊत, महेश फळारी, पांडुरंग वराडकर, उल्हास बर्डे, शाबी किटलकर, नारायण राठवड, उदय धामस्कर, कृष्णा आजगावकर, मनोज आजगावकर, हनुमंत आजगावकर, दिवाकर शिंदे, ॲड. राजेश नार्वेकर, शिवदास शिरोडकर, सुरेश शिरोडकर, अमर कवळेकर, मंजिरी टोपले, गोविंद शिरोडकर, गौरेश शिरोडकर, रुद्रेश्वर नाटेकर, उल्हास शिरोडकर, संदीप गवंडळकर, प्रसाद कवळेकर, धर्मा कवळेकर, औदुंबर पांगम, प्रशांत कवळेकर, शोमित मिशाळ, प्रकाश धुमाळ आदींचा समावेश आहे.

नेपथ्य, चित्रकार, रंगभूषाकार

नेपथ्य, चित्रकार व रंगभूषा या क्षेत्रात दिवकर घराण्यातील गोविंद दिवकर, महाबळेश्वर दिवकर, दिवेश दिवकर, विवेक दिवकर, सोनू नाटेकर, भालचंद्र नाटेकर, रुद्रेश नाटेकर, जयंत नाटेकर, प्रमोद नाटेकर, वसंत नाटेकर, अलंकार नाट्यभांडार, महाबळेश्वर मणेरकर, अवधूत शेट नार्वेकर, रमेश मणेरकर यांचा तर साहित्य क्षेत्रात पद्मश्री सुरेश आमोणकर, प्रा. गोपाळराव मयेकर, सुधा आमोणकर, प्रा. अनिल सामंत यांच्‍यासह नवोदित कलाकार आपल्या कलागुणांनी कला व सांस्कृती संवर्धनाचे कार्य करीत आहे. गोव्यात पहिल्‍यापासून म्हापसा सार्वजनिक गणेशोत्सव मंडळाने समाज प्रबोधनाचे कार्य केलेले आहे.