मडगाव (Margao) शहराच्या मध्यभागी असलेली नगरपरिषद कार्यालयाची इमारत, वसाहत-काळातील सर्वात सुंदर, मंगलोरी कौले असलेल्या इमारतींपैकी एक आहे. आधी ‘काम्र म्युनिसिपाल दि सालसेत’ या नावाने ही इमारत ओळखली जायची. ही इमारत ‘वॉटर कलर आर्टिस्ट असोसिएशन’च्या रविवारच्या जलरंग चित्रासाठीचा विषय होता.

असोसिएशनच्या या उपक्रमात या आठवड्यात 7 चित्रकारांनी भाग घेतला. चित्रकार दिलखुष गुरव यांचे चित्र या आठवड्यात ‘पेंटिंग ऑफ द वीक’ ठरले. चित्राचा विषय जरी ‘म्युनिसिपल’ इमारत असला तरी चित्रकाराने (Painter) या इमारतीचा एक कोपरा तेवढा चित्राच्या समोरच्या भागात घेऊन पार्श्वभागी आधुनिक इमारतींचे जंजाळ मांडले आहे.

म्युनिसिपल इमारतीच्या सुंदरतेला बाधा आणणारी पार्श्वभुमी मांडुन चित्रकार, आज एकंदरच गोव्यात (Goa) अ-योजनाबद्ध रितीने होण्याऱ्या बांधकामामुळे दिसणाऱ्या बकालतेकडेच तर आपले लक्ष वळवत नाही ना?