पोस्ट ऑफिस योजना (Post Office Scheme) त्या लोकांसाठी आहे ज्यांना आपल्या पैशाची सुरक्षित ठिकाणी गुंतवणूक करायची आहे. पोस्ट ऑफिस अनेक बचत योजना चालवते आणि सरकार त्यावर उत्तम परताव्याची हमी देते. पोस्ट ऑफिस योजनेत तुमचे पैसे 100% सुरक्षित राहतात. तुमचे पैसे केव्हा दुप्पट होतील याची गणना करण्यासाठी 72 चा नियम वापरला जातो, ज्यामुळे तुमचा गुंतवलेला पैसा किती काळात दुप्पट होणार आहे याची कल्पना येते.

काय आहे नियम 72?

72 चा नियम हा एक प्रकारचा फॉर्म्युला आहे, ज्याचा वापर करून तुमचे पैसे कधी दुप्पट होतील याची गणना करता येते. हे खरं तर गणितीय समीकरणांवर आधारित एक तंत्र आहे, ज्यावरून हे अगदी सहजपणे कळू शकते की तुमचे पैसे किती वर्षांत दुप्पट होऊ शकतात. या नियमानुसार, व्याजदराला 72 ने भागून मिळालेली रक्कम हे तुमच्या प्रश्नाचं उत्तर असेल म्हणजे तुमचे कीती पैसे दुप्पट होतील हे या फॉर्म्युला मधून कळेल. हे साधारणपणे एफडी इत्यादी गुंतवणुकीसाठी चांगले काम करते.

पोस्ट ऑफिस बचत बँक खाते

तुम्ही तुमचे पैसे पोस्ट ऑफिस बचत खात्यात ठेवल्यास, तुम्हाला पैसे दुप्पट होण्यासाठी जास्त काळ प्रतीक्षा करावी लागेल कारण त्यावर फक्त 4 टक्के प्रतिवर्ष व्याज लागते. म्हणून तुमचे पैसे 18 वर्षात दुप्पट होतील.

पोस्ट ऑफिस रेकरिंग डिपॉजिट

सध्या तुम्हाला पोस्ट ऑफिस रिकरिंग डिपॉझिट (RD) वर 5.8 टक्के व्याज दिले जात आहे, त्यामुळे या व्याजदराने पैसे गुंतवले तर ते जवळजवळ 12.41 वर्षांत दुप्पट होईल.

पोस्ट ऑफिस मासिक उत्पन्न योजना

पोस्ट ऑफिस मासिक उत्पन्न योजना (MIS) वर सध्या 6.6 टक्के व्याज मिळत आहे. जर या व्याजदराने पैसे गुंतवले गेले तर सुमारे 10.91 वर्षात ते दुप्पट होईल.

पोस्ट ऑफिस ज्येष्ठ नागरिक बचत योजना

सध्या पोस्ट ऑफिस ज्येष्ठ नागरिक बचत योजना (SCSS) वर ७.४ टक्के दराने व्याज दिले जात आहे. या योजनेत, तुमचे पैसे सुमारे 9.73 वर्षांत दुप्पट होतील.

पोस्ट ऑफिस PPF

पोस्ट ऑफिसच्या 15 वर्षांच्या सार्वजनिक भविष्य निर्वाह निधीवर (PPF) सध्या 7.1 टक्के व्याज मिळत आहे. या दराने तुमचे पैसे दुप्पट होण्यासाठी सुमारे 10.14 वर्षे लागतील.

पोस्ट ऑफिस राष्ट्रीय बचत प्रमाणपत्र

सध्या पोस्ट ऑफिस नॅशनल सेव्हिंग सर्टिफिकेट (NSC) वर ६.८ टक्के दराने व्याज दिले जात आहे. ही 5 वर्षांची बचत योजना आहे, ज्यामध्ये आयकर देखील वाचवला जाऊ शकतो. जर या व्याजदराने पैसे गुंतवले गेले तर ते सुमारे 10.59 वर्षांत दुप्पट होईल.

पोस्ट ऑफिस टाइम डिपॉझिट (TD)

सध्या 1-3 वर्षांच्या पोस्ट ऑफिस टाइम डिपॉझिटवर (TD) 5.5 टक्के व्याज उपलब्ध आहे. तुम्ही यामध्ये गुंतवणूक केल्यास तुमचे पैसे सुमारे 13 वर्षांत दुप्पट होतील. त्याचप्रमाणे, तुम्हाला 5 वर्षांच्या मुदत ठेवीवर 6.7 टक्के व्याज मिळत आहे. या व्याजदराने पैसे गुंतवले तर तुमचे पैसे सुमारे 10.75 वर्षांत दुप्पट होतील.

पोस्ट ऑफिस सुकन्या समृद्धी खाते योजना

पोस्ट ऑफिस सुकन्या समृद्धी खाते योजनेवर सध्या सर्वाधिक ७.६ टक्के व्याज मिळत आहे. मुलींसाठी चालवल्या जात असलेल्या या योजनेत पैसे दुप्पट होण्यासाठी सुमारे 9.47 वर्षे लागतील.