Zomato Kachra Ad Controversy: जागतिक पर्यावरण दिनानिमित्त झोमॅटोने निर्मीती केलेल्या नवीन जाहिरातीबाबत गदारोळ झाला. त्यानंतर कंपनीला घाईघाईत जाहिरात मागे घ्यावी लागली.

वास्तविक, Zomato ने या जाहिरातीमध्ये लगान चित्रपटातील 'कचरा' हे पात्र वापरले आणि त्यातून कचऱ्याचा पुनर्वापर कसा करतात हे दाखवण्याचा प्रयत्न केला. जाहिरातीमध्ये कचरा हा खरा कचरा दाखवण्यात आला.

मग काय, सोशल मीडियावर युजर्सनी संताप व्यक्त करत कंपनीवर हल्लाबोल केला. एवढेच नाही तर पत्रकार दिलीप मंडल यांनीही या वादात उडी घेतली आणि त्यांनीही कंपनीला सल्ला देत या जाहिरातीला अत्यंत जातीयवादी म्हटले.

वास्तविक, ही जाहिरात लगान चित्रपटात ‘कचरा’ची भूमिका साकारणाऱ्या आदित्य लखियावर चित्रित करण्यात आली होती. पण कंपनीने लगानमधील कचरा हे दलित पात्र असल्याचे लक्षात घेतले नाही आणि त्यामुळे सोशल मीडियावर खळबळ उडाली.

या जाहिरातीत झोमॅटोने ते कचऱ्याचा पुनर्वापर कसा करतात हे दाखवले. त्याचा योग्य वापर कसा करावा जेणेकरून पर्यावरणाचे रक्षण करता येईल. कंपनीने आदित्यला या जाहिरातीत ‘कचरा’च्या भूमिकेत कास्ट केले आहे.

काय आहे जाहिरातीत?

आदित्यचे पात्र कचरा हे खऱ्या कचऱ्यासारखे दाखवण्यात आले होते. या जाहिरातीत आदित्य कसा टेबलावर उभा आहे हे दाखवण्यात आले आहे. एका ठिकाणी टॉवेल आहेत ज्याला कोणीतरी नाक पुसत आहे. एका ठिकाणी दिवा आहे ज्याच्या जवळ एक मुलगी पुस्तक वाचत आहे. हे कचरा पात्र काही ठिकाणी फ्लॉवरपॉट्स, तर काही ठिकाणी कॉर्क म्हणून दाखवले आहे. झोमॅटोला हे दाखवायचे होते की, कचऱ्याचा पुनर्वापर कसा केला जाऊ शकतो आणि किती वेगवेगळ्या गोष्टींसाठी वापरला जाऊ शकतो.

झोमॅटोची जाहिरात रिट्विट करत पत्रकार दिलीप मंडल यांनी लिहिले की, तुमची जाहिरात अत्यंत जातीयवादी आणि अपमानास्पद आहे. माफी मागा आणि जाहिरात मागे घ्या. अन्यथा तुमच्यावर शेकडो खटले दाखल होतील. आशुतोष गोवारीकर यांनी पहिली चूक केली की त्यांनी दलित पात्राला कचरा असे नाव दिले. आता तुम्ही जखमेवर मीठ चोळत आहात.

“लगान: वन्स अपॉन अ टाइम इन इंडिया” हा २००१ मधील आशुतोष गोवारीकर लिखित आणि दिग्दर्शित चित्रपट आहे. या चित्रपटाची निर्मिती आमिर खानने केली होती,  तसेच अमिरने ग्रेसी सिंग आणि ब्रिटीश कलाकार रेचेल शेली आणि पॉल ब्लॅकथॉर्न यांच्यासोबत भूमिका केल्या होत्या. यामध्ये गाजलेले ‘कचरा’ हे पात्र अदित्य लाखिया याने राकारले होते.