Hydrogen Car Nitin Gadkari: भारतात लवकरच हायड्रोजन इंधनावर चालणारी वाहने तुम्हाला दिसू लागतील. भारत सरकार इलेक्ट्रिक आणि बायो-इंधन वाहनांवर भर देत आहे. केंद्रीय रस्ते वाहतूक आणि महामार्ग मंत्री नितीन गडकरी म्हणाले की, 'भारतात सर्वसामान्यांना लवकरच हायड्रोजन कार मिळू लागेल.' मंगळवारी एका कार्यक्रमात ते बोलत होते. यावेळी त्यांनी वाढत्या प्रदुषणाबाबतही चिंता व्यक्त केली.

वास्तविक, हायड्रोजन कारचे उत्पादन आता भारतात (India) होणार आहे. त्याची प्रक्रिया सुरु झाली आहे. सध्या हायड्रोजन तीन प्रकारे बनवले जात आहे. Black Hydrogen जे कोळशापासून बनवले जाते. Brown Hydrogen जे पेट्रोलियम पदार्थापासून पासून बनवले जाते. त्याचा तिसरा प्रकार ग्रीन हायड्रोजन आहे. जे महापालिकेचा कचरा, सांडपाणी किंवा पाण्यापासून बनवता येते.

गडकरी पुढे म्हणाले की, "आम्हाला महापालिकेच्या कचऱ्यापासून हरित इंधन बनवायचे आहे. आता आम्हाला इंधन आयात करायचे नाही, तर निर्यात करायचे आहे. आम्ही शेतीतील कचऱ्यापासून ऊर्जाही बनवू शकतो. त्यासाठी आम्हाला इलेक्ट्रोलायझरची गरज आहे, जे भारत जगातील सर्वोत्तम बनवते. त्याचे काम ऑक्सिजन (Oxygen) वेगळे करणे आणि हायड्रोजन तयार करणे आहे. यासाठी आम्हाला एक जनरेटर हवा आहे, जो इथेनॉल इंधनावर आधारित बनवलेला असेल."

सध्या, भारतात इलेक्ट्रॉनिक वाहनांचा खप एवढा वाढला आहे की, अनेक वाहने एक ते दीड वर्षे प्रतीक्षेत आहेत. लवकरच भारत वाहनांच्या प्रदूषणापासून (Pollution) मुक्त होईल अशी अपेक्षा आहे.