Nitin Gadkari On Toll Tax: 2024 पूर्वी देशात 26 हरित द्रुतगती मार्ग तयार होतील, असे केंद्रीय रस्ते वाहतूक आणि महामार्ग मंत्री नितीन गडकरी यांनी म्हटले आहे. रस्त्यांच्या बाबतीत भारत अमेरिकेच्या बरोबरीने असेल. यासोबतच आगामी काळात टोल कर वसुलीसाठी तंत्रज्ञानाचा वापर करण्यावरही भर देण्यात येणार असल्याचे गडकरी म्हणाले. आतापर्यंत टोल न भरल्यास शिक्षेची तरतूद नाही, मात्र टोलबाबत विधेयक आणण्याची तयारी सुरु असल्याचेही त्यांनी सांगितले.
केंद्रीय मंत्र्यांनी दिली मोठी माहिती
नितीन गडकरी (Nitin Gadkari) पुढे म्हणाले की, 'टोल वसूल करण्यासाठी दोन पर्यायांचा विचार केला जात आहे. पहिला पर्याय गाड्यांमध्ये 'जीपीएस' यंत्रणा बसवण्याशी संबंधित आहे, तर दुसरा पर्याय आधुनिक नंबर प्लेट्सशी संबंधित आहे. काही काळापासून नवीन नंबर प्लेटवर भर दिला जात आहे, आणि पुढील एका महिन्यात एक पर्याय निवडला जाणे अपेक्षित आहे. नवीन प्रणाली लागू झाल्यावर टोल नाक्यावर गर्दी होणार नाही आणि वाहतुकीवरही परिणाम होणार नाही.'
आता काय नियम आहे?
गडकरी पुढे असेही म्हणाले की, 'सध्या टोल मार्गावर एखाद्या व्यक्तीने 10 किमीचे अंतर कापल्यास त्याला 75 किमीचे शुल्क भरावे लागते, परंतु नवीन प्रणालीमध्ये जेवढे अंतर कापले तेवढेच शुल्क आकारले जाईल.' दुसरीकडे, भारतीय राष्ट्रीय महामार्ग प्राधिकरण (NHAI) आर्थिक संकटातून जात असल्याचे त्यांनी नाकारले. शेवटी ते म्हणाले की, 'NHAI ची स्थिती पूर्णपणे ठीक आहे आणि त्यात पैशांची कमतरता नाही. यापूर्वी दोन बँकांनी (Bank) कमी दराने कर्ज दिले होते. रस्त्यांच्या निर्मितीमुळे अनेक शहरांमधील अंतर कमी होईल.'
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
