जगातील सर्वात मोठी सिमेंट कंपनी होल्सीम ग्रुपने (Holcim Group) भारतातून आपला 17 वर्ष जुना व्यवसाय गुंडाळण्याच्या तयारीत आहे. कंपनीने मुख्य बाजारपेठेवर लक्ष केंद्रित करण्यासाठी जागतिक धोरण तयार केले आहे. (worlds biggest cement company to exit Indian market)

भारतीय बाजारातून बाहेर पडणे हा या धोरणाचा भाग आहे. या प्रकरणाशी संबंधित सूत्रांनी दिलेल्या माहितीनुसार, होल्सीम ग्रुप त्यांच्या दोन्ही कंपन्या अंबुजा सिमेंट आणि एसीसी लिमिटेड विकणार आहे.

माहिती समोर येत आहे की, होल्सीम समूह JSW आणि अदानी (Adani) समूहासह इतर कंपन्यांशी (Company) आपला भारतीय व्यवसाय विकण्यासाठी बोलणी करत आहे. जेएसडब्ल्यू आणि अदानी ग्रुप या दोन्ही कंपन्यांनी अलीकडेच सिमेंट क्षेत्रात प्रवेश केला आहे. दोन्ही गटांनी सिमेंट व्यवसायाचा विस्तार करण्यासाठी आक्रमक योजना आखल्या आहेत. संभाव्य विक्रीबाबत श्री सिमेंटसारख्या स्थानिक कंपन्यांशीही संपर्क साधण्यात आल्याचे सूत्रांचे म्हणणे आहे.

होल्सीमची भारतीय बाजारपेठेतील प्रमुख कंपनी अंबुजा सिमेंट आहे. होल्सीम 2018 पासून दोन ब्रँड विलीन करण्याचा प्रयत्न करत आहे, मात्र अद्याप प्रक्रिया पूर्ण झालेली नाही.