UP Govt Scheme For Marriage: गरीब कुटुंबातील मुलींच्या लग्नासाठी आर्थिक मदत करण्यासाठी सरकारकडून अनेक योजना राबवल्या जातात.

केंद्र आणि राज्य सरकारच्या अनेक योजना आहेत. यांपैकी एक योजना यूपी सरकार चालवत आहे, ज्याचे नाव 'शादी अनुदान योजना' (UP Shadi Anudan Yojana) आहे.

दरम्यान, मुलीचे वय 18 किंवा त्याहून अधिक असेल तेव्हा या योजनेसाठी अर्ज करता येईल. तसेच ज्या मुलाचे लग्न (Marriage) करायचे आहे, त्याचे वय 21 वर्षे किंवा त्यापेक्षा जास्त असावे.

एका कुटुंबातील दोन मुली या योजनेचा लाभ घेऊ शकतात. या योजनेत सर्व वर्गातील कुटुंबातील मुलींचा समावेश करण्यात आला आहे.

दुसरीकडे, योजनेच्या तीन अटी आहेत. पहिली म्हणजे अर्जदार हा उत्तर प्रदेशचा कायमचा रहिवासी असावा. दुसरी वार्षिक उत्पन्न ग्रामीण भागासाठी 46800 रुपये आणि शहरी भागासाठी 56400 रुपयांपेक्षा जास्त नसावे.

तिसरी अट म्हणजे अर्जदार हा दारिद्र्यरेषेखालील व्यक्ती असावा. अर्जदाराकडे यूपीचे आधार कार्ड असणे आवश्यक आहे. अर्जदाराला त्याचे उत्पन्नाचे प्रमाणपत्र, तसेच लग्न करणाऱ्या जोडप्याचे वय प्रमाणपत्र दाखवावे लागेल.

त्याचबरोबर, अर्जदाराचे सरकारी बँकेत खाते असावे. त्यामुळे त्यांना अनुदानाची रक्कम थेट बँक खात्यात जमा करता येणार आहे. हे खाते फक्त सरकारी बँकेत (Bank) असावे.

अर्जदार ओबीसी/एससी/एसटी प्रवर्गातील असल्यास त्याच्याकडे जात प्रमाणपत्र असणे आवश्यक आहे. इतर प्रवर्गासाठी जात प्रमाणपत्र आवश्यक नाही.

तसेच, सरकारने दिलेली रक्कम अर्जदार त्याच्या मुलीचे लग्न झाल्यावरच काढू शकतो. लग्नाच्या 90 दिवस आधी किंवा 90 दिवसांनी अर्ज करता येईल.

शिवाय, योजनेचा लाभ घेण्यासाठी यूपी सरकारच्या shadianudan.upsdc.gov.in या वेबसाइटवर नोंदणी करावी लागेल. वेबसाइटच्या होम पेजवर नवीन नोंदणीच्या पर्यायाखाली, तुम्हाला जातीनुसार खाली दिलेल्या पर्यायांपैकी एक निवडावा लागेल.