Twitter X Down In India: शॉर्ट मेसेजसाठी प्रसिद्ध असलेले सोशल मिडिया माध्यम एक्स (पूर्वीचे ट्विटर) सेवा जगभरात डाऊन झाली आहे. एक्सच्या युजर्सना पोस्ट दिसत नाहीयेत. मागील एक तासापासून ही समस्या येत आहे.

तांत्रिक समस्येमुळे एक्स युजर्सना पोस्ट दिसत नसल्याचे तज्ञांनी म्हटले आहे. मात्र, याबाबत अद्याप अधिकृत खुलासा समोर आलेला नाही.

मागील एक तासापासून जगभरात ट्विटर सेवा विस्कळीत झाली आहे. संगणक आणि मोबाईलवर देखील युजर्सना ट्विट दिसत नाहीयेत. युजर्सनी याबाबत तक्रार उपस्थित केली असून, ट्विटर सेवेला काय झाले असे प्रश्न उपस्थित केले आहेत.

आंतरराष्ट्रीय स्तरावर ही समस्या येत असल्याचे रॉयटर या वृत्तसंस्थेने म्हटले आहे. जगभरातील जवळपास 50 हजार युजर्सना ही समस्या येत असल्याचे त्यांनी वृत्तात म्हटलय.

दरम्यान, ही समस्या कशामुळे येत आहे याबाबत अद्याप अधिकृत कारण समोर आलेले नाही. पण, तांत्रिक समस्येमुळे युजर्सना पोस्ट दिसत नसल्याचे तज्ञांनी म्हटले आहे.