क्रेडिट कार्डवरील ईएमआय उपयुक्त आणि सोयीस्कर असू शकते, परंतु त्याचा लाभ घेण्यापूर्वी काही गोष्टींची काळजी घेणे आवश्यक आहे. तुमच्याकडे बँक बॅलन्स नसलेली एखादी वस्तू खरेदी करायची असेल तेव्हा इएमआय (EMI) उपयोगी ठरते. आपल्या सर्वांच्या स्वप्नातील सुट्टी ऑनलाईन कोर्स (Online Course) , आयफोन किंवा महागडे फोन (Phone), घरासाठी फर्निचर अशा अनेक गरज असतात. या गोष्टी खरेदी करायला कधी पैसा असतो, तर कधी नसतो. यावेळी क्रेडिट कार्ड (Credit Card) फायदेशीर ठरते. पण याचा वापर विवेकपूर्ण करावा.

नेहमी खरेदी (Shopping) ही जवळ किती पैसे आहे हे पाहूनच करायला हवी. पण अनेक वेळा खरेदी हि क्रेडिट कार्डवर केली जाते. परंतु हे लक्षात ठेवा कि जर तुम्हाला पैसे भरण्यास उशीर झाला तर तुम्हाला मोठा दंड भरावा लागेल. तुम्ही क्रेडिट कार्डवर अधिक खर्च करत असाल तरी EMI तुम्हाला जास्त व्याजदरापासून वाचवू शकते.

या गोष्टी ठेवा लक्षात

* गरज समजून घ्यावी: इएमआयवर घेतलेल्या गोष्टी तुम्हाला उपयोगी आहेत कि नाही हे लक्षात ठेवावे.

* आपले उत्पन्न किती हे लक्षात ठेवावे: तुमच्या पगारातून इएमआय देखील कापला जाईल याची जाणीव ठेवावी. त्यामुळे इएमआय घेण्यापूर्वी तुम्ही किती इएमआय भरू शकाल ते पाहावे.

* प्रक्रिया शुल्क: इएमआय योजनांमध्ये प्रक्रिया शुल्क आकारले जाते. इएमआय घेण्यापूर्वी त्याबद्दल पूर्णपणे जाणून घ्या. याशिवाय अनेक बँक शून्य व्याजदरावर इएमआय ऑफर देतात, तुम्ही त्याचा लाभ घेऊ शकता.

* क्रेडिट कार्डची उपलब्धता : तुमच्या कार्डवर पुरेसे क्रेडिट असल्याची खात्री करणे आवश्यक आहे. जेणेकरून तुमचा इएमआय नाकारला जाणार नाही.