तुम्हीही या हिवाळ्यात काहीतरी सुरू करण्याचा विचार करत असाल तर आज आम्ही तुमच्यासाठी एक उत्तम बिझनेस आयडिया घेऊन आलो आहोत. हा व्यवसाय सुरू करून तुम्ही चांगली कमाई करु शकता. तुम्हाला या व्यवसायात जास्त गुंतवणुकीची गरज नाही. तुम्ही तो कमी पैशात सुरू करू शकता. चला तर मग जाणून घेउया हा बिझनेस कोणता आहे.

हिवाळ्यात (Winter) लोक शरीराला उबदार ठेवण्यासाठी सुक्या मेव्याचे सेवन मोठ्या प्रमाणात करतात. कारण सुका मेवा आपल्या शरीराची प्रतिकारशक्ती टिकवून ठेवण्यास खूप मदत करतो. बदाम, अक्रोड, मनुके, काजू यांसारखी ड्राय फ्रुट्स (Dry Fruits) थंडीच्या वातावरणात आरोग्यासाठी (Health) खूप फायदेशीर असतात. हा बिझनेस सुरू करून तुम्ही चांगले पैसे कमवू शकता.

• सुरुवात कशी करावी?

जर तुम्ही ड्राय फ्रुटसचा बिझनेस केलात तर तुम्हाला खूप चांगला नफा मिळू शकतो. हा बिझनेस सुरू करण्यासाठी तुम्ही कोणत्याही मोठ्या बाजारातून स्वस्त दरात ड्रायफ्रूट्स खरेदी करू शकता आणि तुमच्या परिसरात किंवा मार्केटमध्ये किरकोळ दराने विकून चांगला नफा मिळवू शकता. सुका मेवा मोठ्या बाजारातून स्वस्त दरात विकत घेणे आणि आपल्या परिसरात किंवा बाजारात किरकोळ दराने विकणे याला ड्राय फ्रुटसचा घाऊक बिझनेस म्हणतात.

• जास्त खर्चाची गरज नाही
  सुक्या मेव्याचा बिझनेस सुरु करण्यासाठी तुम्हाला जास्त पैसे गुंतवण्याची गरज नाही. तुम्ही हळूहळू व्यवसाय वाढवू शकता.

• कोणत्याही व्यवसायासाठी ठिकाण आणि स्थान महत्त्वाचे असते. त्याचे स्थान खूप महत्त्वाचे असते. सुक्या मेव्याचा बीझनेस सुरू करायचा असेल तर भाड्याने दुकान घ्यावे लागेल. यासोबतच तुम्हाला गोडाऊनचीही गरज भासू शकते. तुमचे घर अशा ठिकाणी असेल जिथे लोकांची ये-जा असते, गर्दी असते, तर तुम्ही घरीही ड्रायफ्रुट्सचा बीझनेस सुरू करू शकता.

• या व्यवसायात कमाईबद्दल बोलायचे झाले तर ड्राय फ्रुटच्या घाऊक व्यवसायात 20 ते 30 टक्के नफा मिळतो. नफ्याच्या दृष्टीकोनातून बघितले तर तो खूप चांगला नफा आहे. या व्यवसायात सुरुवातीला थोडी कमी कमाई होते. परंतु जसजसा बीझनेस वाढू लागतो तसतसे या बीझनेसमध्ये तुम्हाला चांगला नफा मिळेल.