देशातील सर्वात मोठी बँक स्टेट बँक ऑफ इंडिया (SBI) ने बेसल तीन मानकांनुसार बॉण्ड (Bond) जारी करून 6,000 कोटी रुपये उभारले आहेत. बँकेला 14,000 कोटी रुपयांपर्यंतचे अतिरिक्त इक्विटी कॅपिटल (Equity Capital) उभारण्यासाठी जूनमध्ये केंद्रीय संचालक मंडळाकडून मंजुरी मिळाली होती. भारतीय स्टेट बँकेने स्टॉक एक्स्चेंजला (Stock Exchange) दिलेल्या माहितीमध्ये म्हटले आहे की, 18 ऑक्टोबर 2021 रोजी झालेल्या संचालक समितीच्या बैठकीत भांडवल उभारणीसाठी बेसल III अनुरूप बंधपत्र जारी करून 6,000 कोटी रुपये उभारण्यास मान्यता दिली गेली आहे. (SBI rises fond 6000 crore by issuing bonds)

एसबीआयने सांगितले की बॉण्डवर वार्षिक व्याज 7.72 टक्के आहे. शाश्वत बाँड्सची परिपक्वता तारीख नसते, म्हणून त्यांना इक्विटी म्हणून मानले जाऊ शकते. एसबीआयचे शेअर बीएसईवर 497.85 रुपयांवर व्यवहार करत आहेत , जे 1.50 टक्क्यांनी वाढले आहे.

गेल्या महिन्यातही एसबीआयने बेसल-फ्रेंडली अतिरिक्त टियर 1 (एटी -1) बाँडद्वारे 4,000 कोटी रुपये उभारले होते . बँकेने जारी केलेल्या रोख्यांवर गुंतवणूकदारांचा मोठा प्रतिसाद आहे. बँकेला स्थानिक क्रेडिट रेटिंग एजन्सींकडून AAA म्हणजेच ट्रिपल-ए रेटिंग मिळाले आहे. बँकेच्या AT1 ऑफरला AA+ रेटिंग मिळाले आहे. बाजारात या प्रकारच्या बाँडसाठी हे सर्वोच्च रेटिंग मानले जाते.

AT1 बॉण्ड म्हणजे नेमकं काय

या AT1 बॉण्ड टियर 1 बॉण्ड असेही म्हणतात. असे बॉन्ड हे कायमचे बॉन्ड असतात ज्यांची मुदत संपत नाही. बँका त्यांच्या पैशाच्या गरजा पूर्ण करण्यासाठी बॉण्ड जारी करतात. AT1 बाँड रिझर्व्ह बँकेद्वारे नियंत्रित केले जातात. यामध्ये नियमित अंतराने व्याज दिले जाते. जर तुम्ही बॉण्ड घेतला असेल आणि जेव्हा तुम्हाला पैशाची गरज असेल तेव्हा तुम्ही ते विकू शकता आणि तुम्हाला ताबद्ल्यात पैसे मिळतात.

अलीकडेच, भारतीय रिझर्व्ह बँकेने (आरबीआय) सोमवारी विविध मार्गदर्शक तत्त्वांचे उल्लंघन केल्याबद्दल स्टेट बँकेला 1 कोटी रुपये आणि स्टँडर्ड चार्टर्ड बँकेला 1.95 कोटी रुपयांचा दंड ठोठावला होता. व्यापारी बँका आणि निवडक वित्तीय संस्थांकडून फसवणूक वर्गीकरण आणि अहवाल दिशानिर्देश 2016 मधील निर्देशांचे पालन न केल्याबद्दल आरबीआयने एसबीआयला दंड ठोठावला आहे.