गाडीतून प्रवास करणाऱ्या प्रवाशांची सुरक्षा आता पूर्वीपेक्षा चांगली होणार आहे. केंद्रीय रस्ते वाहतूक आणि महामार्ग मंत्री नितीन गडकरी म्हणाले की, लवकरच भारतात विकल्या जाणार्‍या सर्व नवीन कारमध्ये सहा एअरबॅगची सुरक्षा वैशिष्ट्य बनवले जाईल. नवीन नियम 1 ऑक्टोबर 2022 पासून लागू होतील. रिपोर्टनुसार, एअरबॅग्जमुळे वाहनांची किंमत 50 हजारांपर्यंत वाढू शकते. सध्या, 6 एअरबॅग मॉडेल्सची किंमत सुमारे 10 लाख रुपयांपासून सुरू होते.

नितीन गडकरी (nitin gadkari) म्हणाले की, भारतात कठोर सुरक्षा स्वीकारण्याची वेळ आली आहे, जी वाहने आणि पादचाऱ्यांसाठी गरजेची आहे.

जानेवारीच्या सुरुवातीला, मंत्रालयाने (Ministry) आठ प्रवासी गाड्यांमध्ये सहा एअरबॅग अनिवार्य करण्याच्या मसुद्याच्या अधिसूचनेला मान्यता दिली होती. मंत्रालयाने जानेवारी 2022 मध्ये एक मसुदा अधिसूचना जारी केली, ज्यामध्ये नवीन नियमांची रूपरेषा आखली गेली ज्यामुळे सर्व कारसाठी गरजेच्या म्हणून सहा एअरबॅग अनिवार्य होतील. अधिसूचनेनुसार, हा नियम 1 ऑक्टोबर 2022 पासून सर्व नवीन कारसाठी लागू होईल.

सध्या ही सुरक्षा वैशिष्ट्ये आहेत

1 एप्रिल 2019 पासून भारतातील सर्व वाहनांसाठी ड्रायव्हर एअरबॅग्ज अनिवार्य करण्यात आल्या आहेत. त्यानंतर ड्युअल एअरबॅग्ज अनिवार्य करण्यात आल्या. सरकारने सर्व कारसाठी मानक सुरक्षा वैशिष्ट्ये म्हणून ड्युअल एअरबॅग्ज तसेच मागील पार्किंग सेन्सर आणि अँटी-लॉक ब्रेक अनिवार्य केले आहेत.