देशात आता आणखीन दोन नवीन बँका (Bank) येणार आहेत. आगामी काळात 2 नवीन कंपन्या लघु वित्त बँका (Small Financial Bank) म्हणून काम करणार असल्याची माहिती मिळत आहे . दोन वित्तीय कंपन्यांनी बँका म्हणून परवाना घेण्यासाठी केंद्रीय बँक RBI कडे अर्ज केला आहे. रिझर्व्ह बँकेने (Reserve Bank Of India) या कंपन्यांना परवाने दिल्यानंतर या कंपन्या बँका म्हणून काम करण्यास सुरुवात करणार आहेत.(RBI will approve 2 new banks named Cosmea Financial & Tally Solutions)

आरबीआयने जारी केलेल्या प्रसिद्धी पत्रकानुसार, ज्या दोन वित्तीय कंपन्यांनी आरबीआयकडे बँक परवान्यासाठी अर्ज केला आहे ते कॉस्मिया फायनान्शियल होल्डिंग्ज प्रायव्हेट लिमिटेड आणि टॅली सोल्युशन्स होल्डिंग्स प्रायव्हेट लिमिटेड या कंपन्या आहेत.

Cosmea Financial Holdings Private Limited

कॉस्मिया फायनान्शियल होल्डिंग्स प्रायव्हेट लिमिटेड ही एक खाजगी कंपनी असून ती 24 नोव्हेंबर 2020 रोजी सुरू करण्यात आली आहे. रजिस्ट्रार ऑफ कंपनीज, मुंबई यांच्याकडे केलेल्या नोंदणीनुसार या कंपनीचे वर्गीकरण गैरसरकारी कंपनी म्हणून करण्यात आले आहे. कंपनी सध्या विमा आणि पेन्शन निधी वगळता आर्थिक मध्यस्थीसाठी सहायक उपक्रमांमध्ये सामील आहे. सौमेन घोष आणि सुरेश तिरुअनंतपुरम विश्वनाथन हे कॉस्मिया फायनान्शियल होल्डिंग्स प्रायव्हेट लिमिटेडचे ​​संचालक आहेत.

Tally Solutions Private Limited

टॅली सोल्युशन्स प्रायव्हेट लिमिटेड ही एक खाजगी कंपनी आहे जी 8 नोव्हेंबर 1991 रोजी समाविष्ट झालेली आहे. रजिस्ट्रार ऑफ कंपनीज, बेंगलोर यांच्याकडे केलेल्या नोंदणीनुसार, ती एक गैर-सरकारी कंपनी म्हणून वर्गीकृत आहे. ही कंपनी प्रामुख्याने सॉफ्टवेअर प्रकाशन, सल्लागार आणि पुरवठा क्षेत्रात आहे. आणि आता ही कंपनी वित्तीय सेवा / बँकिंगमध्ये हात आजमावणार आहे.