कोरोना विषाणुचा प्रादुर्भाव कमी झाल्याने भारतीय रिझर्व्ह बँक (RBI) ने रेग्युलेटेड मार्केटमध्ये बदल करण्याचा निर्यय घेतला आहे. या निर्णयामध्ये 18 एप्रिलपासून आता बाजार सकाळी 9 वाजता सुरू होणार आहे. आरबीआयने याबाबत एका निवेदनात म्हटलं आहे, "कोरोना विषाणुचा प्रादुर्भाव आता कमी झाला असून इतर व्यवहारही सामान्य झाले आहेत. त्यामुळे वित्तीय बाजारातील व्यवहार सकाळी 9 वाजता सुरू करण्याचा निर्णय घेण्यात आला आहे."

* वेळेमध्ये केलेले बदल: आता सकाळी 9 ते 3.30 पर्यंत व्यवहार चालतील

गेल्या दोन वर्षांमध्ये कोरोना विषाणुचा (Corona Virus) प्रादुर्भाव लक्षात घेता बाजाराची सुरुवात ही सकाळी 10 वाजता करण्याचा निर्णय आरबीआयने घेतला आहे. सध्या कोरोना विषाणूचा प्रादुर्भाव कमी दिसून येत आहे. त्यामुळे इतर व्यवहारही सर्वसामान्य झाले आहेत. त्यामुळे आता 18 एप्रिलपासून बाजारातील व्यवहार हा पुन्हा एकदा सकाळीच 9 वाजल्यापासून सुरू करण्यात येणार आहे. हा व्यवहार दुपारी 3.30 पर्यंत सुरू राहणार आहे. बदल करण्यात आलेल्या या वेळेमुळे आता परकीय चलन विनिमय बाजार आणि सरकारी प्रतिभूतींच्या देवाण-घेवाणीचा व्यवहार देखील सकाळी 9 वाजता सुरू होणार आहे. आरबीआयचे (RBI) गव्हर्नर शक्तीकांत दास यांनी शुक्रवारी नवीन पतधोरण जाहीर केल्यनंतर हा निर्णय घेतला आहे.

रिझर्व्ह बँकेने शुक्रवारी आपले पतधोरण जाहीर केले आहे. यंदा अपेक्षेनुसार व्याज दरात कोणताही बदल करण्यात आलेला नाही. पतधोरणात रेपो दरामध्ये कोणताही बदल न करता तो 4 टक्के इतका कायम ठेवण्यात आला असून रिर्व्हस रेपो रेट 3.75 टक्के इतका ठेवण्यात आला आहे. सलग अकराव्यांदा व्याज दरात कोणताही बदल करण्यात आलेला नाही.