EPF Interest Rate: तुम्ही खाजगी क्षेत्रात काम करत असाल आणि तुमची कंपनी पगारातून पीएफ कापत असेल तर ही बातमी तुम्हाला आनंद देईल.
कर्मचारी भविष्य निर्वाह निधी संघटनेच्या (ईपीएफओ) दोन दिवसीय बैठकीत पीएफवरील व्याज वाढवण्याचा निर्णय घेण्यात आला आहे.
ईपीएफओच्या या निर्णयाचा थेट फायदा नोकरदारांना होणार आहे. EPFO च्या बोर्ड CBT ने PF च्या रकमेवरील व्याज 8.10% वरुन 8.15% केले आहे. नवीन दर 2022-23 या आर्थिक वर्षासाठी आहेत.
ईपीएफओच्या या निर्णयामुळे तुम्हाला अधिक व्याजाचे पैसे मिळतील. नवीन व्याजदर 2018-19 या आर्थिक वर्षाच्या तुलनेत कमी आहेत.
त्यावेळी ईपीएफ ग्राहकांना (Customers) 8.55 टक्के दराने व्याज मिळत असे. यापूर्वी, मार्च 2022 मध्ये EPFO ने 40 वर्षांतील सर्वात कमी 8.1 टक्के व्याजदर निश्चित केला होता.
यामुळे पाच कोटींहून अधिक सब्सक्राइबर्स हैराण झाले होते. हा व्याजदर 1977-78 नंतर सर्वात कमी होता, जेव्हा EPF व्याजदर 8 टक्के होता.
एका सूत्राने सांगितले की, सेंट्रल बोर्ड ऑफ ट्रस्टी (CBT), कर्मचारी भविष्य निर्वाह निधी संघटनेची (EPFO) सर्वोच्च संस्था, त्यांच्या बैठकीत 2022-23 साठी 8.15 टक्के दराने EPF वर व्याज देण्याचा निर्णय घेतला आहे. मार्च 2021 मध्ये, CBT ने 2020-21 या आर्थिक वर्षासाठी 8.5 टक्के व्याजदर निश्चित केला होता.
CBT च्या निर्णयानंतर, 2022-23 साठी EPF ठेवींवर निश्चित केलेला व्याजदर अर्थ मंत्रालयाकडे संमतीसाठी पाठवला जाईल. सरकारकडून (Government) ग्रीन सिग्नल मिळाल्यानंतर, 2022-23 साठी EPF व्याज दर EPFO च्या पाच कोटींहून अधिक ग्राहकांच्या खात्यात जमा केले जातील.
अर्थ मंत्रालयाच्या पुष्टीनंतरच, नवीन व्याजदराचा लाभ EPFO कडून ग्राहकांना दिला जातो. मार्च 2020 मध्ये, EPFO ने EPF मधील ठेवींवरील व्याज दर 2019-20 साठी 8.5 टक्क्यांच्या 7 वर्षांच्या नीचांकी पातळीवर आणला होता. 2018-19 साठी 8.65 टक्के तरतूद करण्यात आली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.