Post Office News: तुम्हीही पोस्ट ऑफिसमध्ये गुंतवणूक केली असेल, तर तुमच्यासाठी एक महत्त्वाची बातमी आहे. वास्तविक, पोस्ट ऑफिस तुम्हाला उत्तम सुविधा देत आहे. जर तुम्हाला आत्तापर्यंत याबद्दल माहिती नसेल तर आत्ताच जाणून घ्या. पोस्ट ऑफिसने एक नवीन नियम लागू केला आहे, ज्या अंतर्गत आता पोस्ट ऑफिसमध्ये खाते असलेले ग्राहक देखील इलेक्ट्रॉनिक फंड ट्रान्सफर करु शकतात. म्हणजेच, टपाल कार्यालयातून एनईएफटी आणि आरटीजीएसची सुविधा सुरु करण्यात आली आहे.
ग्राहकांना मोठी सुविधा मिळणार
पोस्ट ऑफिसने (Post Office) NEFT ची सुविधा सुरु केली आहे, तर 31 मे पासून RTGS ची सुविधाही सुरु केली आहे. म्हणजेच, आता पोस्टाच्या ग्राहकांना (Customers) पैसे पाठवण्याची सुविधा मिळणार आहे. यासोबतच इतर बँकांप्रमाणे ते अधिक यूजर फ्रेंडली होत आहे. एवढेच नाही तर ही सुविधा तुमच्यासाठी 24×7×365 असेल.
NEFT आणि RTGS सुविधा
सर्व बँका (Bank) NEFT आणि RTGS ची सुविधा देतात. आता पोस्ट ऑफिस देखील ही सुविधा देत आहे. NEFT आणि RTGS द्वारे दुसऱ्या खात्यात पैसे पाठवणे खूप सोपे झाले आहे. याच्या मदतीने तुम्ही पटकन पैसे ट्रान्सफर करु शकता. वास्तविक, ते इलेक्ट्रॉनिक पद्धतीने निधी हस्तांतरित करु शकतात. यासाठी अटी आणि शर्तीही आहेत. एनईएफटीमध्ये पैसे ट्रान्सफर करण्याची मर्यादा नाही, तर आरटीजीएसमध्ये तुम्हाला एकावेळी किमान दोन लाख रुपये पाठवावे लागतील.
किती खर्च येईल माहीत आहे?
यासाठी तुम्हाला काही शुल्क देखील द्यावे लागेल. जर तुम्ही NEFT करत असाल तर तुम्हाला यामध्ये 10 हजार रुपयांपर्यंत 2.50 रुपये + GST भरावा लागेल. 10 हजार ते 1 लाख रुपयांसाठी 5 रुपये + जीएसटी आहे. त्याच वेळी, 1 लाख ते 2 लाख रुपये, 15 रुपये + जीएसटी आणि 2 लाख रुपयांपेक्षा जास्त रकमेसाठी 25 रुपये + जीएसटीनुसार शुल्क आकारावे लागेल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.