Post Office Scheme: पोस्ट ऑफिसच्या माध्यमातून अनेक चांगल्या योजना लोकांना दिल्या जात आहेत. पोस्ट ऑफिस आकर्षक परताव्यासह विविध प्रकारच्या गुंतवणूक योजना ऑफर करते. ज्या सुरक्षित आणि विश्वासार्ह मानल्या जातात.
त्याचबरोबर, पोस्ट ऑफिस ज्येष्ठ नागरिकांसाठीही अनेक योजना राबवत आहे. येथे आम्ही तुम्हाला यापैकी एका योजनेबद्दल सांगणार आहोत, ज्यामध्ये आकर्षक व्याज देखील दिले जात आहे.
इंडिया पोस्ट ऑफिस विशेषत: ज्येष्ठ नागरिकांना त्यांच्या सेवानिवृत्तीच्या काळात आर्थिक सुरक्षा प्रदान करण्यासाठी विविध योजना ऑफर करते. येथे आम्ही ज्येष्ठ नागरिकांसाठी पोस्ट ऑफिसची लोकप्रिय योजना ज्येष्ठ नागरिक (Senior Citizens) बचत योजना (SCSS) बद्दल सांगणार आहोत.
ज्येष्ठ नागरिक बचत योजना (SCSS) ही 5 वर्षांच्या कालावधीची बचत योजना आहे, जी वार्षिक 8 टक्के व्याज दर देते. यामध्ये किमान गुंतवणुकीची (Investment) रक्कम रु. 1,000 आणि कमाल गुंतवणुकीची मर्यादा रु. 15 लाख आहे. ज्येष्ठ नागरिक बचत योजना ही केवळ 60 वर्षांवरील गुंतवणूकदारांसाठी आहे. सरकार दर तिमाहीत लहान बचतींवरील व्याजदरांचा आढावा घेते.
मागील दर सुधारणेमध्ये, सरकारने वित्तीय वर्ष 2022-23 च्या जानेवारी-मार्च तिमाहीसाठी ज्येष्ठ नागरिक बचत योजना (SCSS) वार्षिक 8 टक्के केली. 31 मार्च 2023 पर्यंत योजनेची कमाल मर्यादा 15 लाख रुपये आहे. या खात्याचा 5 वर्षांचा कालावधी आणखी 3 वर्षांसाठी वाढवला जाऊ शकतो.
व्याजाचा दर तिमाहीत चक्रवाढ केला जातो आणि मॅच्युरिटीच्या वेळी मूळ रकमेसह देय असतो. व्याज प्रत्येक तिमाहीच्या शेवटच्या दिवशी म्हणजे 31 मार्च, 30 जून, 30 सप्टेंबर आणि 31 डिसेंबर रोजी दिले जाते. याशिवाय, SCSS मध्ये कर लाभ देखील आहे. भारतीय कर कायदा, 1961 च्या कलम 80C अंतर्गत ज्येष्ठ नागरिक 1.5 लाख रुपयांपर्यंतच्या आयकर सवलतीचा लाभ घेऊ शकतात.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.