Pm Kisan Installment News: प्रधानमंत्री किसान सन्मान निधी योजनेचा (PM Kisan Samman Nidhi) 13 वा हप्ता जारी करण्यात आला आहे. सुमारे 16 हजार कोटी रुपयांची रक्कम शेतकऱ्यांच्या बँक खात्यात हस्तांतरित करण्यात आली.

परंतु असे अनेक शेतकरी आहेत, जी ही रक्कम मिळवण्यास पात्र आहेत. परंतु त्यांच्या खात्यात 2,000 रुपये जमा झालेले नाहीत. ही रक्कम अजूनही या शेतकऱ्यांच्या खात्यात येऊ शकते. आम्ही तुम्हाला त्या पर्यायांची माहिती देत ​​आहोत.

सन्मान निधीचे पैसे आले नाहीत तर...?

अनेक वेळा पीएम किसानसाठी अर्ज करताना आधार क्रमांक, बँक (Bank) खात्याची अचूक माहिती न दिल्याने पैसे रोखले जातात. तुम्ही pmkisan.gov.in वर भेट देऊन तुम्ही दिलेला तपशील बरोबर आहे की नाही हे तुम्ही तपासू शकता.

काही गडबड असेल तर दुरुस्त करा. ही रक्कम शेतकऱ्यांना (Farmers) पुढील हप्त्यादरम्यान मिळू शकते. आता तुम्ही ही माहिती कशी दुरुस्त करु शकता ते जाणून घ्या. तसेच ई-केवायसीची प्रक्रियाही पूर्ण करा.

ही प्रक्रिया आहे

सर्वप्रथम pmkisan.gov.in या वेबसाइटवर जा.

तुम्हाला उजव्या बाजूला फार्मर्स कॉर्नर दिसेल. त्यावर क्लिक करा.

यानंतर बेनिफिशियरी स्टेटसचे बटण दाबा.

यानंतर तुम्हाला खाते क्रमांक, आधार क्रमांक आणि फोन नंबरचा पर्याय दिसेल.

आधार क्रमांक प्रविष्ट करा.

या प्रक्रियेनंतर, सर्व माहिती स्क्रीनवर दिसेल.

खाते क्रमांक किंवा आधार क्रमांक चुकीचा असल्यास तो दुरुस्त करता येतो.

कुठे संपर्क करावा

तुम्ही लाभार्थी यादीत असाल आणि तरीही तुमच्या खात्यात 13 वा हप्ता आला नसेल, तर तुम्ही pmkisan-ict@gov.in वर संपर्क साधू शकता. याशिवाय 155261 किंवा 1800115526 (टोल फ्री) किंवा 011-23381092 या हेल्पलाइन क्रमांकांवर संपर्क साधता येईल. येथे तुमच्या सर्व समस्या दूर होतील.