Petrol-Diesel Price Hike Today: पेट्रोल आणि डिझेलच्या किमतींबाबत मोठी बातमी समोर आली आहे. आता सरकारने पुन्हा एकदा पेट्रोल आणि डिझेलच्या दरात वाढ केल्याने सर्वसामान्यांना मोठा धक्का बसला आहे.
यावेळी, राज्य सरकारने दर वाढवण्याचा निर्णय घेतला आहे. पंजाब सरकारने व्हॅटमध्ये वाढ केली आहे, त्यानंतर राज्यात पेट्रोलच्या दरात सुमारे 92 पैशांनी आणि डिझेलच्या दरात 88 पैशांनी वाढ झाली आहे. आता राज्यात पेट्रोल आणि डिझेलचे नवीन दर काय आहे ते जाणून घ्या...
माहिती देताना राज्यातील पेट्रोल पंप मालकांनी सांगितले की, व्हॅटमध्ये वाढ केल्यानंतर पेट्रोल आणि डिझेलच्या किरकोळ दरात वाढ झाली आहे. पेट्रोलचा (Petrol) दर आता 98.95 रुपये प्रति लिटर आणि डिझेलचा दर 89.25 रुपये प्रतिलिटर झाला आहे. राज्यातील नवीन दर 10 आणि 11 जूनच्या मध्यरात्रीपासून लागू झाले आहेत.
या वर्षात दुसऱ्यांदा इंधनाचे दर वाढले आहेत. फेब्रुवारीमध्ये, आप सरकारने पेट्रोल आणि डिझेल या दोन्हींवर प्रति लिटर 90 पैसे उपकर लावला होता. राज्य उत्पादन शुल्क आणि कर आकारणी विभागाने शनिवारी इंधनावरील व्हॅट वाढीबाबत अधिसूचना जारी केली आहे.
मोहालीतील पेट्रोल पंप मालक अश्विंदर सिंग मोंगिया यांनी सांगितले की, डिझेलवरील व्हॅट 1.13 टक्क्यांनी वाढवून 12 टक्के करण्यात आला आहे, तर पेट्रोलवरील व्हॅट 1.08 टक्क्यांनी वाढवून 15.74 टक्के करण्यात आला आहे.
मोंगिया म्हणाले की, व्हॅट वाढल्याने पंजाबमध्ये पेट्रोल आणि डिझेलचे दर शेजारच्या राज्यांच्या तुलनेत जास्त झाले आहेत.
मोंगिया पुढे म्हणाले की, केंद्रशासित प्रदेश चंदीगडमध्ये (Chandigarh) डिझेल आणि पेट्रोलच्या किरकोळ किंमती अनुक्रमे 84.26 रुपये प्रति लिटर आणि 96.20 रुपये प्रति लिटर आहेत. त्याचप्रमाणे हिमाचल प्रदेशमध्ये डिझेलचा दर 85.44 रुपये प्रति लिटर आणि पेट्रोलचा दर 96.29 रुपये प्रति लिटर आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.