देशात दीर्घकाळापासून स्थिर असलेल्या पेट्रोल आणि डिझेलच्या दरात वाढ झाली आहे. राष्ट्रीय स्तरावर पेट्रोल आणि डिझेलच्या दरात प्रतिलिटर 80 पैशांनी वाढ करण्यात आली आहे. राष्ट्रीय राजधानी दिल्लीत आज (मंगळवार) म्हणजेच 22 मार्च 2022 रोजी पेट्रोलची किंमत 95.41 रुपये प्रति लिटरवरून 96.21 पर्यंत वाढली आहे. तर डिझेल 86.67 रुपयांनी महाग होऊन आता 87.47 रुपयांवर पोहोचले आहे.
आंतरराष्ट्रीय बाजारात ब्रेंट तेलाची किंमत प्रति बॅरल 100 डॉलर पर्यंत खाली आली असताना राष्ट्रीय स्तरावर पेट्रोल (Petrol) आणि डिझेलच्या किमतींमध्ये वाढ करण्यात आली आहे. रशिया-युक्रेन तणावानंतर कच्च्या तेलाची किंमत प्रति बॅरल 130 डॉलरच्या पुढे गेली होती, त्यावेळी विधानसभा निवडणुकीच्या पार्श्वभूमीवर भारतीय बाजारात पेट्रोल आणि डिझेलच्या किमतीत कोणतीही वाढ झाली नव्हती. भारतीय पेट्रोलियम विपणन कंपनी इंडियन ऑइल कॉर्पोरेशन (IOCL) च्या ताज्या अपडेटनुसार, देशाची आर्थिक राजधानी मुंबईत 22 मार्च 2022 रोजी पेट्रोलचा दर प्रति लिटर 109.98 रुपये वरून 110.82 रुपये प्रति लिटर झाला आहे. तर डिझेलची किंमत 95 रुपये प्रति लिटरवर पोहोचली आहे, जी 4 महिन्यांहून अधिक काळ 94.14 रुपये प्रति लिटरने विकली जात होती.
आज महानगरांमध्ये पेट्रोल आणि डिझेल
दिल्लीत पेट्रोलची किंमत - 96.21 रुपये प्रति लिटर
डिझेल - 87.47 रुपये प्रति लिटर
मुंबई पेट्रोल - 110.82 रुपये प्रति लिटर डिझेल - 95.00 रुपये प्रति लिटर
चेन्नई पेट्रोल - 102.16 रुपये प्रति लिटर डिझेल (Diesel) - 92.19 रुपये प्रति लिटर
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.