दिवसेंदिवस महागाईचा बोजा सामान्य जनतेवर अधिकच वाढताना दिसत आहे. एकीकडे पेट्रोल-डिझेलचे (Petrol- Diesel) दर दररोज वाढतच आहेत तर आज घरगुती गॅस सिलिंडरचे (LPG Gas) दरही वाढले आहेत.आता तुम्हाला गॅस सिलेंडर खरेदी करण्यासाठी आणखी 15 रुपये खर्च करावे लागणार आहेत.सरकारी तेल कंपन्यांनी (OIL Companies) विनाअनुदानित एलपीजी गॅस सिलिंडरचे दर वाढवले ​​आहेत. त्याच वेळी, यापूर्वी 1 ऑक्टोबर रोजी 19 किलो व्यावसायिक गॅस सिलिंडरच्या किंमती वाढवण्यात आल्या होत्या. (Petrol, Diesel and LPG Gas Cylinder price hiked)

देशाची राजधानी दिल्लीसह मुंबई, कोलकाता आणि चेन्नई या शहरांमध्येही एलपीजी सिलेंडरच्या किमती वाढल्या आहेत.

6 ऑक्टोबर रोजी विनाअनुदानित गॅस सिलेंडरची किंमत

दिल्ली - 899.5 रुपये

कोलकाता - 926 रुपये

मुंबई - 899.5 रुपये

चेन्नई - 915.5 रुपये

यापूर्वी दरवाढीचा विचार करता 1 सप्टेंबर रोजी 14.2 किलो विनाअनुदानित घरगुती एलपीजी सिलेंडरच्या किमतीत 25 रुपयांनी वाढ झाली होती.त्याचबरोबर 18 ऑगस्ट रोजी देखील पेट्रोलियम कंपन्यांनी गॅस सिलिंडरच्या किमती 25 रुपयांनी वाढवल्या होत्या.

1 ऑक्टोबर रोजी व्यावसायिक सिलिंडरच्या किंमतीहि वाढवण्यात आल्या होत्या . दिल्लीमध्ये 19 किलो व्यावसायिक एलपीजी सिलिंडर 1693 रुपयांवरून 1736.50 रुपये करण्यात आला होता तर कोलकात्यात 1805.50 रुपये, मुंबईत 1685.00 रुपये आणि चेन्नईमध्ये 1867.50 रुपये होते.

पेट्रोलच्या किमतीतही वाढ

आंतरराष्ट्रीय बाजारात दररोज कच्च्या तेलाच्या वाढत्या किमतींचा परिणाम देशांतर्गत बाजारावर स्पष्टपणे दिसून येत आहे. बुधवारी सलग दुसऱ्या दिवशी सरकारी तेल कंपन्यांनी पेट्रोल-डिझेलचे दर वाढवले ​​आहेत.IOCL च्या वेबसाइटनुसार, आज पेट्रोलच्या किंमतीत 30 पैसे प्रति लीटरने वाढ झाली आहे. त्याचवेळी, डिझेलच्या किंमती प्रति लीटर 34 पैशांनी वाढल्या आहेत. आजच्या वाढीनंतर दिल्लीत 1 लीटर पेट्रोलची किंमत आता 102.94 रुपये झाली आहे. याशिवाय डिझेलची किंमत 91.42 रुपये प्रति लीटर आहे. त्याचवेळी, मंगळवारी पेट्रोलच्या किंमतीत 25 पैसे आणि डिझेलच्या किंमतीत 30 पैशांनी वाढ झाली होती.